Gold: అక్షయ తృతీయ రోజు క్రెడిట్ కార్డుతో బంగారం కొంటున్నారా..అయితే చాలా ప్రమాదంలో పడ్డట్టే ఎందుకంటే..?

అక్షయ తృతీయ రోజు బంగారం కొనాలని మీరు ప్లాన్ చేస్తున్నారా. అయితే మీ వద్ద సరిపడా డబ్బు లేదా…అయినప్పటికీ ఎలా అయినా బంగారం కొనాలని అనుకుంటున్నారా.  అప్పు చేసిన సరే బంగారం కొనాలనే ఆలోచిస్తే మాత్రం అది ఏ మాత్రం మంచిది కాదని చెప్పవచ్చు.  

చాలామంది క్రెడిట్ కార్డు ని యూజ్ చేసి బంగారం కొనాలని ఆలోచిస్తుంటారు. కానీ దీనివల్ల చాలా నష్టం జరిగే ప్రమాదం ఉందని నిపుణులు చెబుతున్నారు.  బంగారం ఒక పెట్టుబడి… దాన్ని ఎప్పుడు మీ సొంత ఆదాయం నుంచే ఖరీదు చేయాలి తప్ప,  అప్పు తీసుకొని బంగారం కొనుగోలు చేయవద్దు.  

క్రెడిట్ కార్డ్ ద్వారా బంగారం కొనుగోలు చేయడం అంటే అప్పు తీసుకొని బంగారం కొనుగోలు చేసినట్లే.  కావున ఇలాంటి పనులకు దూరంగా ఉంటేనే మంచిది.  మీ వద్ద ఎంత డబ్బు ఉంటే అంత డబ్బుతోనే బంగారం కొనండి. అంతే తప్ప ఆడంబరాలకు వెళ్లి అప్పులు చేసి మాత్రం బంగారం ఎట్టి పరిస్థితుల్లో కొనకూడదు. అలా చేస్తే మీ ఆర్థిక భవిష్యత్తు ప్రమాదంలో పడే అవకాశం ఉంది. 

ముఖ్యంగా క్రెడిట్ కార్డు ను ఉపయోగించి బంగారం ఎప్పుడూ కొనుగోలు చేయకూడదు. ప్రముఖ బంగారు దుకాణాలు అన్నీ కూడా క్రెడిట్ కార్డును యాక్సెప్ట్ చేస్తూ ఉంటాయి. కానీ బంగారం ద్వారా మీరు క్రెడిట్ తీసుకొని నగలను కొనుగోలు చేసినట్లయితే ,  వెంటనే దాన్ని చెల్లించేయాలి. దాని ఇఎంఐ ఆప్షన్ కింద తీసుకొని ఫ్లెక్సీ పే కింద నెలనెలా కట్టాలని అనుకుంటే మాత్రం మీకు భారీ నష్టం తప్పదు. ఎందుకంటే క్రెడిట్ కార్డు ఈఎమ్ఐ లపై దాదాపు  18 శాతం నుంచి 30 శాతం వరకు వడ్డీలు చెల్లించాల్సి ఉంటుంది. అందుకే ఇలాంటి పనులకు ఎప్పుడు దూరంగా ఉండాలి.  క్రెడిట్ కార్డు ద్వారా బంగారం కొంటే భారీగా నష్టపోయే ప్రమాదం ఉంటుంది. 

బంగారాన్ని మీరు కావాలనుకుంటే ప్రతి నెల సిప్ పద్ధతిలో, కొంచెం కొంచెం డబ్బు జమ చేసుకొని సంవత్సరంలో ఒకసారి బంగారాన్ని కొనుగోలు చేసుకోవచ్చు.  ఇందుకోసం మీరు  బ్యాంకులో రికరింగ్ డిపాజిట్లు ఖాతాను ఓపెన్ చేసి ప్రతి నెల అందులో నిర్ణీత మొత్తంలో డబ్బు దాచుకొని, ఆ డబ్బు మెచ్యూరిటీ అయ్యాక దాంతో మీరు బంగారం కొనుగోలు చేసుకోవచ్చు. మీరు  పొదుపు చేసిన డబ్బుపై వడ్డీ కూడా లభిస్తుంది తద్వారా మీరు లాభం పొందే అవకాశం ఉంది. 

అంతేకాదు మీరు బంగారాన్ని కొనుగోలు చేయాలనుకుంటే, మీ వద్ద సరిపడా డబ్బులు లేకపోతే డిజిటల్ రూపంలో కూడా బంగారాన్ని కొనుగోలు చేయవచ్చు. డిజిటల్ రూపంలో బంగారాన్ని కొనుగోలు చేయాలనుకుంటే మీరు ఒక రూపాయి నుంచి కూడా బంగారం కొనుగోలు చేసే వీలుంది. తద్వారా మీరు కొన్న బంగారం మీ డిజిటల్ బ్యాలెట్ లో భద్రంగా ఉంటుంది. మీ వద్ద నిధులు ఉన్నప్పుడు డిజిటల్ వాలెట్లో అరగ్రామ్ నుంచి ఒక గ్రాము వరకు బంగారం ఉన్నట్లయితే, దాన్ని మీరు నాణెం రూపంలో హోమ్ డెలివరీ పొందే వీలుంది.