ఫోన్ ఎక్కడ పెట్టారో మర్చిపోయారా? ఎలాంటి యాప్ అవసరం లేకుండా ఈ టిప్ తో కనిపెట్టొచ్చు
మీరు ఫోన్ సైలెంట్ లో పెట్టి ఇంట్లోనే ఎక్కడ పెట్టారో మర్చిపోయారా? ఈ చిన్న ట్రిక్ తో మీ ఫోన్ ఎక్కడ ఉన్నా ఇట్టే కనిపెట్టొచ్చు. దీని కోసం ప్రత్యేకంగా ఎలాంటి యాప్ ఉపయోగించాల్సిన అవసరం లేదు. మరి ఏం చేయాలో తెలుసుకుందాం రండి.
- FB
- TW
- Linkdin
Follow Us
 "Asianet Image")
ఈ రోజుల్లో ఫోన్ లేకుండా ఒక్క క్షణం కూడా ఉండే పరిస్థితి లేదు. ప్రతి చిన్న అవసరానికి ఫోన్ అత్యవసరమైపోయింది. టైమ్ చూడాలన్నా గోడ మీద ఉన్న గడియారాన్ని వదిలేసి జేబులో ఉన్న సెల్ తీసి చూసుకొనే పరిస్థితి వచ్చేసింది. ఖాళీగా ఉంటే చాలా మంది వాట్సాప్, యూట్యూబ్, ఇన్ స్టా, ఫేస్ బుక్ లాంటి యాప్స్ ఓపెన్ చేసి మెసేజ్ లు, వీడియోలు, షార్ట్స్ చూస్తుంటారు.
కొంచెం సేపు ఫోన్ జేబులో ఉంటే దాన్ని మర్చిపోయామన్నట్టుగా వరుసగా వచ్చే నోటిఫికేషన్స్ మన ఫోన్ ఎక్కడుందో ఇట్టే చెప్పేస్తాయి. పొరపాటున ఒక్క నోటిఫికేషన్ ఓపెన్ చేస్తే కనీసం గంట సేపు టైమ్ అంతా గడిచిపోతుంది. అలాంటిది కొంచెం సేపు ఫోన్ కనిపించకపోతే ఎవరైనా ఉండగలరా?
మీటింగ్ లో ఉండటం వల్లనో, దేవాలయాలకు వెళ్లిన సమయంలోనో ఫోన్ సైలెంట్ లో పెడుతుంటాం. కాని ఇంటికి వచ్చినా సైలెంట్ మోడ్ లోంచి తీయడం మర్చిపోయి ఎక్కడో పెట్టేస్తాం. తీరా దాని కోసం ఎంత వెతికినా ఒక్కోసారి అస్సలు కనిపించదు. ఇల్లంతా చిందరవందర చేసి వెతికినా ఒక్కోసారి కనిపించదు.
సాధారణంగా ఫోన్ ఎక్కడుందో తెలుసుకోవాలంటే కొన్ని ప్రత్యేక యాప్స్ ఉన్నాయి. వాటిని ఇన్‌స్టాల్ చేసుకొంటే ఫోన్ కనిపెట్టడం ఈజీ అవుతుంది. కొన్ని యాప్స్ వేసుకొంటే క్లాప్స్ కొట్టగానే ఫోన్ నుంచి రిప్లై సౌండ్ వస్తుంది. అప్పుడు ఫోన్ ఎక్కడుందో తెలుస్తుంది. అదేవిధంగా మరికొన్ని యాప్స్ విజిల్ సౌండ్ చేసేలా రూపొందాయి.
అయితే ఎలాంటి యాప్స్ ఉపయోగించకుండా ఫోన్ ను కనిపెట్టే విధానాన్ని ఇప్పుడు తెలుసుకుందాం. ఇలా చేస్తే ఫోన్ సైలెంట్ లో ఉన్నా, వైబ్రేషన్ లో ఉన్నా ఫోన్ ను ఈజీగా కనిపెట్టవచ్చు.
మీ ఫోన్ సైలెంట్ లో గాని, వైబ్రేషన్ లో గాని పెట్టి ఇంట్లోనే ఎక్కడో మర్చిపోయారనుకోండి.
వేరే వాళ్ల ఫోన్ తీసుకొని గూగుల్ ఓపెన్ చేయండి.
సెర్చ్ లో Find my device అని టైప్ చేయండి.
మొదట్లోనే Android Find My Device అని లింక్ కనిపిస్తుంది. దానిపై క్లిక్ చేయండి.
తర్వాత Sign in ఆప్షన్ పై క్లిక్ చేయండి.
తర్వాత Email or phone number ఎంటర్ చేయాల్సిన ఆప్షన్ కనిపిస్తుంది. అందులో ఎవరి ఫోన్ అయితే కనిపించడం లేదో వారి ఈమెయిల్ కాని ఫోన్ నంబర్ కాని ఎంటర్ చేయండి.
తర్వాత పాస్ వర్డ్ ఎంటర్ చేయండి.
అప్పుడు ఓపెన్ అయిన పేజీలో Play sound ఆప్షన్ పై క్లిక్ చేయండి.
అంతే మీ ఫోన్ ఎక్కడున్నా వెంటనే రింగ్ అవుతుంది. మీ ఫోన్ సైలెంట్ లో ఉన్నా, వైబ్రేషన్ లో ఉన్నా రింగ్ అవుతుంది. దీంతో ఈజీగా దొరుకుతుంది.
