న్యూయార్క్ టైమ్స్పై ఫేస్ బుక్ సిఈఓ ఫైర్.. క్రాసింగ్ ది లైన్ అంటూ..
సోషల్ మీడియా దిగ్గజం ఫేస్బుక్ న్యూస్ ఫీడ్లో ఫేస్బుక్ అనుకూల కథనాలను ప్రచారం చేస్తోందని ఆరోపిస్తూ చేసిన న్యూయార్క్ టైమ్స్ కథనానికి ఫేస్బుక్ సిఈఓ మార్క్ జుకర్బర్గ్ స్పందించారు.
ర్యాన్ మాక్ అండ్ షీరా ఫ్రెంకెల్ నివేదిక ప్రకారం ఫేస్బుక్ చీఫ్ ఎగ్జిక్యూటివ్ గత నెలలో కొత్త ప్లాట్ఫామ్పై ప్రజలకు మరిన్ని పాజిటివ్ కథనాలను చూపించడానికి ఒక కొత్త చొరవపై ముగింపు పలికారు. కాని మార్క్ జుకర్బర్గ్ ఈ ఆరోపణలను తిరస్కరించడానికి బదులుగా సర్ఫింగ్ అండ్ హైడ్రోఫాయిలింగ్ మధ్య వ్యత్యాసంపై సమాధానం ఇస్తూ స్పందించారు.
న్యూ యార్క్ టైమ్స్ నివేదికలో ఫేస్బుక్ వివాదాలు, మోసాలు నుండి వ్యవస్థాపకుడు మార్క్ జకర్బర్గ్ దూరం చేయడానికి ఒక ప్రయత్నం ప్రారంభమైంది అని తెలిపింది. ఇమేజ్-క్లీనింగ్ లో భాగంగా మార్క్ జుకర్బర్గ్ సోషల్ మీడియా పోస్ట్లు కూడా గణనీయమైన మార్పును చూశాయి. మార్క్ జుకర్బర్గ్ పోస్ట్లలో ఇటీవల అమెరికన్ జెండాతో ఎలక్ట్రిక్ సర్ఫ్బోర్డ్పై స్వారీ చేస్తున్న వీడియోను ప్రత్యక్షమైంది.
అయితే ఫేస్బుక్ చీఫ్ మార్క్ జుకర్బర్గ్ అభిరుచిని తప్పుగా గుర్తించడంపై ఆగ్రహం వ్యక్తం చేశాడు. ఈ ఉదయం ఫేస్బుక్లో షేర్ చేసిన పోస్ట్లో న్యూయార్క్ టైమ్స్ను పేర్కొన్నాడు.
"మీడియా నా పని గురించి తప్పుడు విషయాలు చెప్తోంది, ఆ వీడియోలో స్పష్టంగా నేను నా స్వంత కాళ్లతో పంపింగ్ చేస్తున్న హైడ్రోఫాయిల్ను చూపిస్తుంది కానీ నేను ఎలక్ట్రిక్ సర్ఫ్బోర్డ్ని నడుపుతున్నానని చెప్పడం గమనార్హం." అంటూ పోస్ట్ చేశారు
హైడ్రోఫాయిలింగ్ అనేది ఒక కొత్త రకం వాటర్ స్పోర్ట్, దీనిలో నీటి కింద ఒక రెక్క లాంటి నిర్మాణం పైకి లిఫ్ట్ చేయడానికి ఉపయోగించబడుతుంది. అయితే జూలై నాల్గవ తేదీన మార్క్ జుకర్బర్గ్ హైడ్రోఫాయిలింగ్ చేస్తున్న ఈ వీడియోను షేర్ చేశాడు. నేను నిల్చున్న హైడ్రోఫాయిలింగ్ నీటి కింద ఒక రెక్క ఉంది, అది బోర్డును గాలిలోకి నెట్టివేస్తుంది, "అని అతను పోస్ట్ చేసిన కామెంట్ విభాగంలో వివరించారు." మీరు పొందలంటే ఇందులో ఎలక్ట్రిక్-పవర్డ్ వెర్షన్ కూడా ఉంది, కానీ ఈ వీడియోలో నేను రెగ్యులర్ ఫోయిల్ బోర్డు మీద రైడ్ చేస్తున్నాను" అని తెలిపారు.
"గత కొన్ని నెలలుగా మీరు చాలా అద్భుతంగా, ఫన్నీగా ఉన్నారు. మీ జీవితంలో ఏం మారింది? మీ రహస్యం ఏమిటి?" ఒకరు అడగగా దానికి అతను "మేము నిర్మిస్తున్న కొన్ని అద్భుతమైన విషయాలపై నేను మరింత దృష్టి పెట్టాలని నిర్ణయించుకున్నాను అలాగే నా కుటుంబం, స్నేహితులతో ఇంకా ఆహ్లాదకరమైన పనులు చేయలనుకుంటున్న." అంటూ రిప్లయి ఇచ్చాడు.
అయితే ఈ కథనంపై మార్క్ జుకర్బర్గ్ స్పందన చూసి రచయిత ర్యాన్ మాక్ ఆశ్చర్యపోయారు. ఫేస్బుక్ ప్లాట్ఫారమ్పై తప్పుడు సమాచారాల మధ్య ఫేస్బుక్ సమస్యలను సరిగా పరిష్కరించడంలో విఫలమైందని, లాభాలకు ప్రాధాన్యతనిస్తుందని వాల్ స్ట్రీట్ జర్నల్ గత వారం నివేదికలను ప్రచురించింది.