Deepika Padukone: ఆ విషయంలో భర్తను దారుణంగా వెనక్కు నెట్టేసిన దీపికా పదుకొనే.. ఏం జరిగిందంటే..?

బాలీవుడ్ నటి దీపికా పదుకొణె గురించి ప్రత్యేకంగా పరిచయం అక్కర్లేదు. బాలీవుడ్ టాప్ నటీమణుల జాబితాలో ఆమె చేరిపోయింది. 2007లో 'ఓం శాంతి ఓం' సినిమాతో బాలీవుడ్‌ కెరీర్‌ని ప్రారంభించిన తర్వాత దీపిక పదుకొణె పేరు ప్రపంచ వ్యాప్తంగా మారుమోగి పోతోంది. హాలివుడ్ సినిమాల్లో సైతం ఈ భామ తళుక్కుమంటోంది. దాదాపు 15 ఏళ్ల కెరీర్‌లో దీపిక 37 సినిమాల్లో నటించి 52 అవార్డులు గెలుచుకుంది. 

Image: Getty Images

దీపిక విజయవంతమైన నటి మాత్రమే కాదు. సంపాదన విషయంలో కూడా ఎవరికీ తక్కువ కాదు. తాజా నివేదిక ప్రకారం, దీపికా పదుకొనే తన భర్త రణవీర్ సింగ్ కంటే ఎక్కువ ఆస్తులను కలిగి ఉన్నారు. దీపికకు ఎంత ఆస్తి ఉందో మీకు తెలియకపోతే, ఆమె మొత్తం ఆస్తి ఎంత, ఆమె కలెక్షన్‌లో ఏమేం కార్లు ఉన్నాయో తెలుసుకుందాం. 

దీపికా పదుకొణె నికర విలువ

దీపికా పదుకొణె ప్రస్తుతం బాలివుడ్ లో అత్యధికంగా రెమ్యూనరేషన్ అందుకుంటున్న నటీమణుల్లో ఒకరు. ప్రస్తుతం కూడా ఆమె సినిమాలు చేస్తూనే ఉంది. ఆమె ఒక్కో సినిమాకు దాదాపు 15-30 కోట్లు తీసుకుంటారు. సినిమాలతో పాటు, దీపిక బ్రాండ్ ఎండార్స్‌మెంట్ ద్వారా కూడా చాలా సంపాదిస్తుంది. నివేదికల ప్రకారం, ఆమె బ్రాండ్ ఎండార్స్‌మెంట్‌ల కోసం రూ. 7 నుండి 10 కోట్లు వసూలు చేస్తుంది. 

సోషల్ మీడియా ద్వారా ఎండార్స్‌మెంట్ల కోసం ఆమె సుమారు 1.5 కోట్లు వసూలు చేస్తుంది. ఆమె వార్షిక ఆదాయం ఏడాదికి రూ. 24 కోట్లకు చేరువలో ఉంది. దీపిక బ్రాండ్ విలువ 400 కోట్లుగా పేర్కొన్నారు. ఆమె నికర విలువ 366 కోట్లు.

దీపికా పదుకొణెకు ముంబైలో 4 BHK విలాసవంతమైన ఇల్లు ఉంది. దీని ఖరీదు రూ.16 కోట్లు. ఇది కాకుండా, ఆమె భర్త రణవీర్ సింగ్‌తో కలిసి అలీబాగ్‌లో విలాసవంతమైన ఇంటిని కూడా కొనుగోలు చేసింది. దీని ఖరీదు రూ.21 కోట్లు. మరోవైపు, దీపిక కార్ల కలెక్షన్ గురించి మాట్లాడుకుంటే, ఆమె తన సేకరణలో మెర్సిడెస్ మేబ్యాక్, ఆడి A8, ఆడి క్యూ7  బిఎమ్‌డబ్ల్యూ 5 వంటి అనేక ఖరీదైన బ్రాండ్‌ల కార్లను కలిగి ఉంది.

ఆస్తుల పరంగానూ, ఆదాయం పరంగానూ చూస్తే దీపిక  తన భర్త రణవీర్ సింగ్ కంటే చాలా ధనవంతురాలు. దీపికా పదుకొణె మొత్తం నికర విలువ రూ. 366 కోట్లు. మరోవైపు రణ్‌వీర్ కపూర్ నికర విలువ దాదాపు రూ. 271 కోట్లుగా చెబుతున్నారు. అయితే, దీపిక తన సామర్థ్యం ఆధారంగా పేరు, సంపద  కీర్తి ఇవన్నీ సంపాదించింది. విశేషమేమిటంటే, దీపికా పదుకొనే  రణవీర్ సింగ్ 13 నవంబర్ 2018న ఇటలీలోని లేక్ కోమోలో వివాహం చేసుకోవడం విశేషం. .