కరోనా వ్యాక్సిన్ కోసం ఈ విధంగా రిజిస్ట్రేషన్ చేసుకొండి.. కేవలం రూ.250 చెల్లిస్తే చాలు..

First Published Mar 1, 2021, 3:06 PM IST

కరోనా వ్యాక్సిన్ మొదటి డోసెజ్ ని భారతదేశ ప్రధాని నరేంద్ర మోడీ తీసుకున్నారు. దీనికి సంబంధించి కరోనా వ్యాక్సిన్ ప్రతి ఒక్కరూ తీసుకోవాలని ప్రధాని విజ్ఞప్తి చేశారు. ప్రభుత్వం ఇప్పుడు కరోనా వ్యాక్సిన్‌ను ప్రైవేటు ఆసుపత్రులలో డోసెజ్ కి 250 రూపాయల చొప్పున అందుబాటులోకి తీసుకొచ్చింది. అయితే ఈ వాక్సిన్ కోసం ఇప్పుడు మీరు మీ ఇంటి వద్దనే దరఖాస్తు చేసుకోవచ్చు. కరోనా వ్యాక్సిన్ కోసం కోవిన్ యాప్ లేదా అధికారికా వెబ్‌సైట్‌లో రిజిస్టర్ చేసుకోవచ్చు. ఎలా రిజిస్టర్ చేసుకోవాలో తెలుసుకొండి...

మొదటి మీరు ఏం చేయాలంటే మీ ఫోన్ బ్రౌజర్‌లో https://selfregistration.cowin.gov.in/ అని టైప్ చేయండి . లేదా మీరు ఈ లింక్‌పై కూడా క్లిక్ చేయవచ్చు. దీని తరువాత మీ మొబైల్ నంబర్‌తో రిజిస్ట్రేషన్ చేయవలసి ఉంటుంది. ప్రస్తుతం మీరు కోవిన్ యాప్ ద్వారా రిజిస్టర్ చేసుకోలేరు. కానీ వాక్సిన్ కోసం రిజిస్ట్రేషన్ ప్రస్తుతం అధికారిక వెబ్‌సైట్ ద్వారా మాత్రమే జరుగుతోంది.

https://selfregistration.cowin.gov.in/కి వెళ్ళిన తరువాత మొదట మీ మొబైల్ నంబర్‌ను రిజిస్టర్ చేయండి. దీని తరువాత మీ నంబర్‌కి ఓ‌టి‌పి వస్తుంది. ఓ‌టి‌పి ఎంటర్ చేసిన తరువాత గుర్తింపు కార్డును అప్‌లోడ్ చేయాలి. మీరు డ్రైవింగ్ లైసెన్స్, ఆధార్ కార్డు, పాన్ కార్డ్, బ్యాంక్ పాస్ బుక్, ఓటరు ఐడి కార్డ్ మొదలైనవి ఏదైనా గుర్తింపు కార్డుగా అప్ లోడ్ చేయవచ్చు. దీని తరువాత మీరు గుర్తింపు కార్డు నంబరును ఎంటర్ చేయాలి.

ఆ తరువాత మీ పేరు, లింగం, పుట్టిన తేదీని ఎంటర్ చేయాలి. దీని తరువాత రిజిస్టర్ బటన్ పై క్లిక్ చేయండి. దీని తరువాత అపాయింట్మెంట్ కోసం ఒక పేజీ ఓపెన్ అవుతుంది. అక్కడ మీ రాష్ట్రం, జిల్లా, పిన్ కోడ్ వంటి సమాచారం అడుగుతుంది. దీని తరువాత టీకా కేంద్రం పేరు, టీకా తేదీ, సమయం నింపిన తరువాత, బుక్ బటన్ పై క్లిక్ చేయండి. దీని తరువాత మీ మొబైల్ నంబర్‌కి మెసేజ్ వస్తుంది, ఇందులో మీ పూర్తి సమాచారం ఉంటుంది.

కోవిన్ పోర్టల్ నుండి కాకుండా మీరు ఆరోగ్య సేతు యాప్ నుండి కూడా వ్యాక్సిన్ కోసం రిజిస్టర్ చేసుకోవచ్చు. మొదట ఆరోగ్య సేతు యాప్ ఓపెన్ చేసి కుడి వైపున కనిపించే కోవిన్ ట్యాప్‌పై క్లిక్ చేయండి. అక్కడ మీ మొబైల్ నంబర్‌తో రిజిస్టర్ చేసుకోండి.

కొన్ని నివేదికల ప్రకారం ఆండ్రాయిడ్ ఐ‌ఓ‌ఎస్, కై ఓ‌ఎస్ కోసం కొవిన్ యాప్ త్వరలో అందుబాటులోకి రానుంది. నోకియా 4 జి ఫోన్, జియో ఫోన్ వినియోగదారులు కూడా తమ ఫోన్లలో కోవిన్ యాప్ డౌన్‌లోడ్ చేసుకోవచ్చు. కాని యాప్ ద్వారా రిజిస్ట్రేషన్ సాధారణ ప్రజల కోసం అందుబాటులో లేదు.