Low budget Cars: రూ.3.49 లక్షలకే కారు.. 35 కిమీ మైలేజ్, తక్కువ ధరకే వచ్చే కార్లు ఇవిగో
Low budget Cars: పెట్రోల్, డీజిల్ ధరలు రోజురోజుకు పెరుగుతున్నాయి. అయినా కూడా కార్లు కొనేవారి సంఖ్య ఎక్కువగానే ఉంది. తక్కువ ధరతో ఎక్కువ మైలేజ్ ఇచ్చే కార్లకు డిమాండ్ బాగా పెరిగింది. రూ.5 లక్షల లోపు ధరలో లభించే బెస్ట్ కార్లు ఇక్కడ ఉన్నాయి.
మారుతి సెలెరియో
మైలేజ్ కింగ్ అని మారుతి సెలెరియో కారును పిలుచుకోవచ్చు. ఈ కారు పెట్రోల్, సీఎన్జీ రెండు వేరియంట్లలోనూ అద్భుతమైన మైలేజ్ను అందిస్తుంది. దీనితో పాటు, ఆధునిక ఫీచర్లు, మెరుగైన భద్రతా ప్రమాణాలు దీనిని ఒక కంప్లీట్ ప్యాకేజీగా మార్చాయి. దీని ప్రారంభ ధర రూ.4.69 లక్షలు నుంచి ఉంటాయి. ఇది ఎక్స్ షోరూమ్ ధర.
టాటా టియాగో
భద్రతకు ఎక్కువ ప్రాధాన్యత ఇచ్చేవారు టాటా టియాగో కారును కొనుక్కోవచ్చు. బలమైన బాడీ, మంచి సేఫ్టీ రేటింగ్ దీనికి ఉన్నాయి. మైలేజ్ కొంచెం తక్కువగా ఉన్నప్పటికీ, భద్రత విషయంలో ఈ కారు ముందు వరుసలో ఉంటుంది. దీని ధర రూ.4.59 లక్షల నుంచి మొదలవుతుంది. ఇది కూడా ఎక్స్ షోరూమ్ ధర.
రెనాల్ట్ క్విడ్
స్టైల్ గా ఉండే కారు కావాలంటే రెనాల్ట్ క్విడ్ మీకు కరెక్ట్గా సరిపోతుంది. యువతను ఆకట్టుకునే డిజైన్ ఇది. టచ్స్క్రీన్ ఇన్ఫోటైన్మెంట్, ఎయిర్బ్యాగ్, పార్కింగ్ సెన్సార్ వంటి సేఫ్టీ ఫీచర్లతో ఈ కారు వస్తుంది. సిటీలో ఈ కారులో ప్రయాణం చాలా సౌకర్యవంతమైన కారు. దీని ధర రూ.4.29 లక్షల నుంచి ప్రారంభమవుతుంది.
మారుతి ఆల్టో కే10
బడ్జెట్లో సింపుల్ కారు కావాలంటే మారుతి ఆల్టో కే10 కొనుక్కోవడం చాలా మంచిది. ఇండియాలో అత్యధికంగా అమ్ముడయ్యే లో బడ్జెట్ కారు ఇది. పెట్రోల్, సీఎన్జీ రెండింటిలోనూ లభించే ఈ కారు, ఫ్యామిలీకి సరిపోయే మైలేజ్, ప్రాథమిక భద్రతా ఫీచర్లను అందిస్తుంది. దీని ప్రారంభ ధర రూ.3.69 లక్షలు.
మారుతి ఎస్-ప్రెస్సో
తక్కువ ధరలో అందంగా ఉండే కారు మారుతి ఎస్-ప్రెస్సో. ఈ కారు పెట్రోల్, సీఎన్జీ రెండు ఆప్షన్లలోనూ మంచి మైలేజ్ ఇస్తుంది. ఈ ధరలో ఆరు ఎయిర్బ్యాగ్ల వంటి భద్రతా ఫీచర్లు లభించడం దీనికి అదనపు బలం. దీని ప్రారంభ ధర రూ.3.49 లక్షలు మాత్రమే.
