Gold: బంగారం ధర 62 వేలు దాటింది..ఒక్క గ్రాము తేడా వచ్చిన భారీగా నష్టపోతారు..ఈ జాగ్రత్తలు తీసుకుంటే నష్టపోరు..

Akshaya Tritiya 2023 : బంగారం ధర ప్రస్తుతం 10 గ్రాములకు గానూ 62 వేల వరకూ ఖర్చు చేయాలి. ఒక్క గ్రాము తేడా వచ్చినా రూ. 6000కు పైగా నష్టపోయే ప్రమాదం ఉంది. ఈ నేపథ్యంలో అక్షయ తృతీయ రోజు బంగారం షాపింగ్ సమయంలో తీసుకోవాల్సిన జాగ్రత్తలు ఏంటో తెలుసుకోండి. 

Akshaya Tritiya 2023 : హిందువులు అక్షయ తృతీయ 2023ని అత్యంత పవిత్రమైన పండుగగా భావిస్తారు. ఈ పండుగ ఏప్రిల్ 22 న జరుపుకుంటున్నారు. సాధారణంగా వైశాఖ మాసంలో శుక్ల పక్షం మూడవ రోజున జరుపుకుంటారు. బంగారం కొనుగోలు చేయడం ఈ పండుగ ప్రత్యేకత. అక్షయ తృతీయ రోజున బంగారాన్ని కొనడం ప్రత్యేక ప్రాముఖ్యతను కలిగి ఉంటుంది. అక్షయ తృతీయ రోజున చాలా మంది నగలు కొనడానికి ఇష్టపడతారు. మీరు కూడా అక్షయ తృతీయ నాడు బంగారం లేదా ఆభరణాలు కొనుగోలు చేయబోతున్నట్లయితే, కొన్ని విషయాలపై ప్రత్యేక శ్రద్ధ వహించండి. ఇది నకిలీ బంగారం కొనుగోలు నుండి మిమ్మల్ని కాపాడుతుంది.

హాల్‌మార్క్‌పై శ్రద్ధ వహించండి:  మీరు కొనుగోలు చేసే బంగారం స్వచ్ఛతను అంచనా వేయడానికి, మీరు హాల్‌మార్క్‌పై శ్రద్ధ వహించాలి. హాల్‌మార్కింగ్ అనేది బంగారం స్వచ్ఛతను గుర్తించడానికి సులభమైన మార్గం. మీరు కొనుగోలు చేసే బంగారు ఆభరణాలు BIS యొక్క హాల్‌మార్క్ కలిగి ఉన్నాయో లేదో తనిఖీ చేయండి. అన్ని హాల్‌మార్క్‌లు నిజమైనవి కావు. కాబట్టి మీరు హాల్‌మార్క్ గురించి కూడా తెలుసుకోవాలి. అసలు హాల్‌మార్క్ బ్యూరో ఆఫ్ ఇండియన్ స్టాండర్డ్స్ యొక్క త్రిభుజాకార చిహ్నాన్ని కలిగి ఉంటుంది. హాల్‌మార్కింగ్ సెంటర్ లోగోతో పాటు బంగారం స్వచ్ఛత కూడా రాసి ఉంటుంది . దీన్ని దృష్టిలో ఉంచుకుని బంగారం కొనడం ప్రారంభించడం మంచిది. 

బీఐఎస్ కేర్ యాప్ సహాయం చేయగలదు : బంగారం నాణ్యతను తనిఖీ చేయాలని నిర్ధారించే హాల్‌మార్కింగ్ మీకు తెలుసు. ఇందుకోసం బీఐఎస్ కేర్ యాప్ అనే అప్లికేషన్‌ను విడుదల చేసింది. దాని సహాయంతో, మీరు ఏదైనా వస్తువు యొక్క హాల్‌మార్కింగ్ లేదా ISI గుర్తును సులభంగా తనిఖీ చేయవచ్చు. అంతే కాదు, వస్తువుల నాణ్యతపై అనుమానాలుంటే, ఫిర్యాదు కూడా చేయవచ్చు.

హాల్‌మార్కింగ్‌తో పాటు బంగారం స్వచ్ఛతను పరీక్షించడానికి మీరు కొన్ని సులభమైన ఇంటి చిట్కాలను ఉపయోగించవచ్చు. బంగారు ఆభరణాలను బకెట్ నీటిలో నిమజ్జనం చేయాలి. నగలు మునిగితే బంగారం నిజమేనని అర్థం చేసుకోండి. అయితే కాసేపు తేలితే అది నకిలీ బంగారం అని అర్థమవుతుంది. బంగారం ఎంత తేలికైనప్పటికీ , అది నీటిలో ఎప్పుడూ మునిగిపోతుంది.

వెనిగర్ టెస్ట్:  మీరు వెనిగర్ ఉపయోగించి ఇంట్లో బంగారం స్వచ్ఛతను కూడా పరీక్షించవచ్చు. బంగారు ఆభరణాలపై కొన్ని చుక్కల వెనిగర్ వేయండి. దాని రంగులో ఎటువంటి మార్పు లేకుంటే అది నిజమైన బంగారం. నగల రంగు మారితే ఆ బంగారం నకిలీదని తెలుసుకోండి. 

మాగ్నెట్ టెస్ట్: బంగారు ఆభరణాలు కల్తీ అయ్యాయో లేదో తెలుసుకోవడానికి మీరు మాగ్నెట్ టెస్ట్ కూడా చేయవచ్చు. బంగారం అయస్కాంతానికి అంటుకోదు. కాబట్టి బలమైన అయస్కాంతాన్ని తీసుకుని బంగారం దగ్గర ఉంచండి. నగలలో కదలిక కనిపిస్తే, బంగారంలో బాండ్రే కలపబడిందని అర్థం .