13 ఏళ్లలో 13 భారీ రైలు ప్రమాదాలు: అసలు ఇండియన్‌ రైల్వేస్‌కు ఏమైంది
రైలు ప్రయాణం చాలా సేఫ్‌ అనుకుంటాం కదా. అయితే దేశంలో జరుగుతున్న రైలు ప్రమాదాలు ఆందోళన కలిగిస్తూనే ఉన్నాయి. రైల్వేలో భద్రతా లోపాలను బయటపెడుతూనే ఉన్నాయి. దేశంలో ఏటా ఏదోఒక చోట భారీ రైలు ప్రమాదం జరుగుతోంది. వీటి వల్ల వందలాది మంది ప్రాణాలు కోల్పోయారు. సెప్టెంబర్‌ 8, 2024లో కూడా భారీ రైలు ప్రమాదం తప్పింది. బీహార్‌ రాష్ట్రంలో మగధ్ ఎక్స్‌ప్రెస్ రైలు రెండు ముక్కలైంది. ప్రయాణికులు బయటకు దూకేయడంతో ఎటువంటి ప్రాణనష్టం జరగలేదు. గత 13 ఏళ్లలో ఇండియాలో జరిగిన 13 పెద్ద రైలు ప్రమాదాలు వందలాది ప్రాణాలను బలిగొన్నాయి. అలాంటి భారీ రైలు ప్రమాదాల గురించి పూర్తి వివరాలు ఇప్పుడు తెలుసుకుందాం.
)
Followజూలై 7, 2011: ఉత్తరప్రదేశ్‌లోని ఎటా జిల్లాలోని ఛాప్రా-మథుర ఎక్స్‌ప్రెస్ బస్సును ఢీకొట్టింది. ఈ ప్రమాదంలో దాదాపు 70 మంది మరణించారు. ఈ ప్రమాదం భద్రతా సిబ్బంది లేని క్రాసింగ్ వద్ద అర్థరాత్రి దాటిన తర్వాత 1:55 గంటలకు జరిగింది.
జూలై 30, 2012: ఆంధ్రప్రదేశ్‌ రాష్ట్రంలోని నెల్లూరు సమీపంలో ఢిల్లీ-చెన్నై తమిళనాడు ఎక్స్‌ప్రెస్‌లోని ఒక బోగీలో అగ్ని ప్రమాదం జరిగింది. ఈ ప్రమాదంలో 30 మందికి పైగా మరణించారు.
)
మే 26, 2014: ఉత్తరప్రదేశ్‌లోని సాంత్ కబీర్ నగర్‌లో గోరఖ్‌పూర్ చేరుకోవడానికి ముందు గోరఖ్‌ధామ్‌ ఎక్స్‌ప్రెస్ ఖలీలాబాద్ స్టేషన్ సమీపంలో ఆగిఉన్న గూడ్స్ రైలును ఢీకొట్టింది. ఈ ప్రమాదంలో 25 మంది మరణించారు.
ఆగస్టు 4, 2015: మధ్యప్రదేశ్‌లోని హర్దా సమీపంలో కామయాని, జనతా ఎక్స్‌ప్రెస్ రైళ్లు ప్రమాదానికి గురయ్యాయి. ఈ ప్రమాదంలో 37 మంది మరణించారు. ట్రాక్‌పై వర్షపు నీరు చేరడం వల్ల ఈ ప్రమాదం జరిగింది.
మార్చి 20, 2015: డెహ్రాడూన్ నుండి వారణాసి వెళ్తున్న జనతా ఎక్స్‌ప్రెస్ ఉత్తరప్రదేశ్‌లోని రాయ్‌బరేలీలోని బచ్‌రావ్ రైల్వే స్టేషన్ సమీపంలో ప్రమాదానికి గురైంది. ట్రైన్ ఇంజన్, రెండు బోగీలు పట్టాలు తప్పడంతో 30 మందికి పైగా మరణించారు.
నవంబర్ 20, 2016: ఇండోర్-పాట్నా ఎక్స్‌ప్రెస్ 19321 కాన్పూర్‌లోని పుఖ్రాయాన్ సమీపంలో పట్టాలు తప్పడంతో 150 మందికి పైగా ప్రయాణికులు మరణించారు.
ఆగస్టు 19, 2017: హరిద్వార్, పూరీ మధ్య నడుస్తున్న కళింగ ఉత్కల్ ఎక్స్‌ప్రెస్ ఉత్తరప్రదేశ్‌లోని ముజఫర్‌నగర్‌లోని ఖతౌలీ సమీపంలో ప్రమాదానికి గురైంది. ట్రైన్‌లోని 14 బోగీలు పట్టాలు తప్పడంతో 21 మంది ప్రయాణికులు మరణించారు.
ఆగస్టు 23, 2017: ఢిల్లీ వెళ్తున్న కైఫియత్ ఎక్స్‌ప్రెస్‌లోని 9 బోగీలు ఉత్తరప్రదేశ్‌లోని ఔరైయా సమీపంలో పట్టాలు తప్పాయి. ఈ ప్రమాదంలో 70 మంది గాయపడ్డారు.
జనవరి 13, 2022: పశ్చిమ బెంగాల్‌లోని అలీపూర్‌ద్వార్‌లో బికనీర్-గౌహతి ఎక్స్‌ప్రెస్‌లోని 12 బోగీలు పట్టాలు తప్పాయి. ఈ ప్రమాదంలో 9 మంది మరణించారు.
ఏప్రిల్ 2, 2023: సీటు కోసం జరిగిన గొడవలో కేరళలోని కోరాపుజ రైల్వే వంతెన సమీపంలో అలప్పుజ-కన్నూర్ ఎగ్జిక్యూటివ్ ఎక్స్‌ప్రెస్‌లోని ఒక బోగీకి నిప్పు పెట్టారు. నిందితుడు షారుఖ్ సైఫీ తన సహ ప్రయాణికులపై పెట్రోల్‌ లాంటి ద్రావణాన్ని చిమ్మి నిప్పు పెట్టాడు. ఈ ఘటనలో ముగ్గురు మరణించారు.
జూన్ 2, 2023: ఒడిశాలోని బాలాసోర్ జిల్లాలో కోరమాండల్ రైలు ఎక్స్‌ప్రెస్, ఒక గూడ్స్ రైలు, యశ్వంతపూర్-హౌరా సూపర్‌ఫాస్ట్ ఎక్స్‌ప్రెస్ రైళ్లు ఢీకొన్నాయి. ఈ ప్రమాదంలో 288 మంది మరణించగా, 1000 మందికి పైగా గాయపడ్డారు. ఇది భారతదేశంలో జరిగిన అత్యంత ఘోరమైన రైలు ప్రమాదాల్లో ఒకటి.
జనవరి 2024: కర్ణాటకలోని బెంగళూరు సమీపంలో బెంగళూరు-హౌరా సూపర్‌ఫాస్ట్ ఎక్స్‌ప్రెస్ ఒక గూడ్స్ రైలును ఢీకొట్టడంతో దాదాపు 50 మంది గాయపడ్డారు. 15 మందికి పైగా మరణించారు. ట్రైన్ స్పీడ్‌, సిగ్నలింగ్‌లో టెక్నికల్‌ ప్రాబ్లమే ఈ ప్రమాదానికి ప్రధాన కారణాలుగా చెబుతున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
