మారుతి సుజుకి విటారా బ్రెజ్జా 2022: త్వరలో కొత్త అప్డేట్స్ తో లాంచ్.. లేటెస్ట్ ఫీచర్స్ ఎంటో తెలుసుకోండి..
దేశంలోని అతిపెద్ద కార్ల తయారీ సంస్థ మారుతీ సుజుకి (Maruti Suzuki) పాపులర్ కాంపాక్ట్ SUV విటారా బ్రెజ్జా (Vitara Brezza)ను త్వరలో లాంచ్ చేసేందుకు సన్నాహాలు చేస్తోంది. నివేదిక ప్రకారం, అప్ డెటెడ్ విటారా బ్రెజ్జా జూన్ 30న ఇండియాలో ప్రారంభించవచ్చు.
2022 మారుతి సుజుకి విటారా బ్రెజ్జా పేరు కూడా మార్చవచ్చు. ఈ SUV పేరు ఇప్పుడు కేవలం Brezza అని భావిస్తున్నారు. ఎర్టిగా అండ్ XL6 ఫేస్లిఫ్ట్ల లాంచ్ తర్వాత ఈ సంవత్సరం బ్రాండ్ మూడవ అతిపెద్ద లాంచ్ ఇది.
మారుతి సుజుకి విటారా బ్రెజ్జా
కంపెనీ అత్యధికంగా అమ్ముడవుతున్న మోడళ్లలో బ్రెజ్జా ఒకటి. ఈ కాంపాక్ట్ SUV భారతీయ మార్కెట్లో ప్రారంభించినప్పటి నుండి కంపెనీ అత్యధికంగా అమ్ముడవుతున్న కార్లలో ఒకటిగా ఉంది. రానున్న అప్డేట్ మోడల్ క్యాబిన్ ఎక్స్టీరియర్ రూపాన్ని, డిజైన్తో పాటు ఇంటీరియర్లపై ఎన్నో అప్ డేట్స్ తో వస్తుందని భావిస్తున్నారు. ఈ SUV అదే 1.5-లీటర్ K-సిరీస్ పెట్రోల్ ఇంజన్తో వస్తుందని అంచనా, దీనిని అప్ డెటెడ్ ఎర్టిగా అండ్ XL6లో కూడా ఉపయోగించారు.
SUV ఫ్రంట్ గ్రిల్
ఇంతకుముందు కంటే ఫ్రంట్ గ్రిల్ షార్ప్ గా కనిపిస్తుంది. ఇంటిగ్రేటెడ్ LED డేటైమ్ రన్నింగ్ లైట్లతో కూడిన ప్రొజెక్టర్ హెడ్ల్యాంప్లు ఉంటాయి. ముందు అండ్ వెనుక వైపున అప్ డెటెడ్ బంపర్లు ఉంటాయి. అల్లాయ్ వీల్స్ కూడా కొత్త డిజైన్తో వస్తాయని భావిస్తున్నారు. ఇంకా మొదటిసారి సన్రూఫ్తో కూడా రావచ్చు. అంటే, ఈ మార్పులతో కొత్త బ్రెజ్జా ప్రస్తుత మోడల్తో పోలిస్తే ప్రీమియం అవుతుంది.
ఈ కొత్త ఫీచర్లను క్యాబిన్ లో చూడవచ్చు
కొత్త బ్రెజ్జాలో ఎన్నో కొత్త డిజైన్ అప్డేట్లు ఆశించవచ్చు. కొత్త ఫీచర్లతో పాటు క్యాబిన్ లోపల డ్యాష్బోర్డ్, మొత్తం లేఅవుట్ మారవచ్చు. ఇంకా కొత్త XL6 అండ్ ఎర్టిగా నుండి తీసుకోబడిన 9.0-అంగుళాల టచ్స్క్రీన్ ఇన్ఫోటైన్మెంట్ సిస్టమ్తో రావచ్చు. కొత్త మోడల్ ఫీచర్ల గురించి చెప్పాలంటే ఇందులో 360 డిగ్రీ కెమెరా, వెంటిలేటెడ్ సీట్లు, HUD డిస్ప్లే, ఆటోమేటిక్ క్లైమేట్ కంట్రోల్, వైర్లెస్ ఛార్జింగ్, యాంబియంట్ లైటింగ్, 6 ఎయిర్బ్యాగ్లు వంటి ఫీచర్లు ఉంటాయి. టచ్స్క్రీన్ ఇన్ఫోటైన్మెంట్ సిస్టమ్ సుజుకి కనెక్టెడ్ కార్ టెక్నాలజీతో వస్తుందని భావిస్తున్నారు.
లాంచ్ తర్వాత, 2022 మారుతి సుజుకి విటారా బ్రెజ్జా టాటా నెక్సాన్, నిస్సాన్ మాగ్నైట్, మరియు మహీంద్రా XUV300 వంటి కార్లతో పోటీపడుతుంది .