కాలేజీ స్టూడెంట్స్ కి గుడ్ న్యూస్.. ఫ్రీగా ఎలక్ట్రిక్ స్కూటర్.. ఎలా పొందాలో తెలుసా.?

ఎన్నికల సమయంలో కాంగ్రెస్ పార్టీ ఆరు  గ్యారంటీ హామీలతో పాటు అనేక హామీలు కురిపించింది. ఈ ఆరు హామీల్లో మహాలక్ష్మి పథకం కింద ఇప్పటికే మహిళలకు ఆర్టీసీ బస్సుల్లో ఉచిత ప్రయాణ సౌకర్యం కల్పించారు. రాజీవ్ ఆరోగ్యశ్రీ భీమా పథకం కింద 10 లక్షలు అందజేస్తామన్నారు.
 

ప్రభుత్వం ఏర్పడినాక 100 రోజుల్లో ఈ 6 హామీలను పూర్తిగా నెరవేరుస్తామని ఈ తరుణంలో ఇప్పుడు హామీలపై  కాంగ్రెస్ పార్టీ దృష్టి సారించింది. కాలేజీల్లో చదివే విద్యార్థులకు ఎలక్ట్రిక్ స్కూటర్లు అందించే అంశంపై కసరత్తు ప్రారంభించినట్లు తెలుస్తోంది.
 

యువ మహిళా సాధికారత పథకం కింద 18 ఏళ్లు నిండిన ప్రతి బాలికకు ఎలక్ట్రిక్ స్కూటర్ అందజేస్తామని కాంగ్రెస్  మేనిఫెస్టోలో పేర్కొంది. ప్రస్తుతం రేవంత్ రెడ్డి సర్కార్ ఈ ప్రాజెక్ట్ పైనే దృష్టి పెట్టింది. ఇందుకు రూ.350 కోట్ల విలువైన స్కూటీలను అందించాలని భావిస్తున్నారు.
 

హైదరాబాద్, రంగారెడ్డి, మేడ్చల్ జిల్లాల్లో దాదాపు 1,784 కాలేజీలు ఉన్నాయి. ఈ కాలేజీల్లో దాదాపు 5 లక్షల మంది పేద విద్యార్థులున్నారు. వీరిలో 2 లక్షల మంది ప్రజలు మెట్రోపాలిటన్ ప్రాంతంలో ఉంటున్నారు. అందులో 70 వేల మంది వరకు ప్రభుత్వ కళాశాలల్లో చదువుతున్నారు.
 

ఒక్కో స్కూటీకి రూ.50 వేల చొప్పున 70 వేల స్కూటీలకు కేంద్రం సబ్సిడీ కింద రూ.350 కోట్లు వెచ్చించనున్నట్లు తెలుస్తోంది. ఈ పథకానికి సంబంధించిన విధానాలు ఇంకా దరఖాస్తు వివరాలు త్వరలో విడుదల చేయబడతాయి.