బజాజ్ ఆటో అమ్మకాల జోరు.. ఫిబ్రవరిలో 6% పెరిగిన విక్రయాలు..
ప్రముఖ ద్విచక్ర వాహన తయారీ సంస్థ బజాజ్ ఆటో కంపెనీ వాహనాల అమ్మకాలు ఫిబ్రవరిలో ఆరు శాతం పెరిగాయని సోమవారం తెలిపింది. ఫిబ్రవరి నెలలో వాహనాల అమ్మకాలు 3,75,017 యూనిట్లుగా నమోదైంది. అదే గత ఏడాది ఫిబ్రవరి నెలలో 3,54,913 వాహనాలు అమ్ముడయ్యాయి.
ఫిబ్రవరిలో కంపెనీ దేశీయ మార్కెట్ అమ్మకాలు గత ఏడాది ఇదే నెలలో 1,68,747 యూనిట్ల నుంచి రెండు శాతం తగ్గి 1,64,811కి చేరుకున్నాయి.
ఫిబ్రవరిలో ఎగుమతులు 13 శాతం పెరిగి 2,10,206 వాహనాలకు చేరుకుందని కంపెనీ తెలిపింది. గత ఏడాది ఫిబ్రవరిలో 1,86,166 వాహనాలను ఎగుమతి చేసింది.
బజాజ్ ఆటో ద్విచక్ర వాహనాల అమ్మకాలు ఫిబ్రవరిలో ఏడు శాతం పెరిగి 3,32,563 యూనిట్లకు చేరుకున్నాయి. అలాగే గత ఏడాది ఫిబ్రవరిలో కంపెనీ 3,10,222 ద్విచక్ర వాహనాలను విక్రయించింది.
కంపెనీ వాణిజ్య వాహనాల మొత్తం అమ్మకాలు ఐదు శాతం తగ్గి 42,454 యూనిట్లకు చేరుకున్నాయి. ఏడాది క్రితం ఏదే నెల ఫిబ్రవరిలో 44,691 వాణిజ్య వాహనాలను విక్రయించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
