బెస్ట్ మైలేజ్ కార్ల కోసం చూస్తున్నారా.. ఇండియాలోని టాప్ 5 ఎస్‌యూ‌వి కార్లు ఇవే..

ఈ సెగ్మెంట్‌లో పెరుగుతున్న డిమాండ్‌కి కారణాలను పరిశీలిస్తే కస్టమర్లలో మారుతున్న ప్రాధాన్యతలు. కొత్త కారు కొనేటప్పుడు కస్టమర్ మొదట చూసేది వాహనం ధర. ఇప్పటి కాలంలో భారతీయ ఆటో మార్కెట్లో ఎస్‌యూ‌విల (స్పోర్ట్స్ యుటిలిటీ వెహికల్స్) డిమాండ్, అమ్మకాలు బాగా పెరుగుతున్నాయి. సబ్-కాంపాక్ట్ ఎస్‌యూ‌విలు పౌలరీటి పొందుతున్నాయి ఎందుకంటే ఈ కార్లు ఎక్కువ స్థలాన్ని అందిస్తాయి, అలాగే ఖరీదైన కార్లలోని  గొప్ప ఫీచర్లతో వస్తాయి. మిడ్-సైజ్ ఎస్‌యూవీ ఎక్స్-షోరూమ్ ధర రూ .12 లక్షల నుంచి రూ .17 లక్షల వరకు ఉంటుంది. కానీ  కారు రోడ్డుపైకి వచ్చిన తరువాత అంటే ఆన్-రోడ్ ధర మరింత పెరుగుతుంది. దీంతో కస్టమర్ కి వాటి ధర చాలా భారంగా ఉంటుంది. 
 

 గొప్ప ఫీచర్లతో కూడిన చిన్న ఎస్‌యూ‌వి కార్లు వినియోగదారులను బాగా ఆకర్షిస్తున్నాయి. అతిముఖ్యమైన విషయం ఏమిటంటే పెద్ద ఎస్‌యూ‌విలతో పోలిస్తే దాదాపు సగం ధరకే చిన్న ఎస్‌యూ‌విలు అందుబాటులో ఉన్నాయి. ఇంకా సాధారణ వినియోగదారుల సేవింగ్స్ అండ్ బడ్జెట్ రెండింటికీ సరిపోతాయి. మీరు కూడా ఒక చిన్న ఎస్‌యూ‌వి కొనడానికి చూస్తున్నారా అయితే ప్రస్తుతం మార్కెట్లో అందుబాటులో ఉన్న టాప్ 5 బడ్జెట్ సబ్-కాంపాక్ట్ ఎస్‌యూ‌వి కార్ల గురించి  తెలుసుకోండి.
 

రెనాల్ట్ ఫిబ్రవరి నెలలో భారతదేశంలో కిగర్ కాంపాక్ట్ ఎస్‌యూవీని విడుదల చేసింది. అలాగే భారతీయ కార్ల మార్కెట్‌లో వినియోగదారుల నుండి మంచి ఆదరణ పొందింది. కిగర్ CMF-A+ ప్లాట్‌ఫారమ్‌పై నిర్మించారు. రెనాల్ట్ కిగర్ రెండు పెట్రోల్ ఇంజన్ ఆప్షన్‌లతో వస్తుంది-1.0 లీటర్ పెట్రోల్ అండ్ 1.0 లీటర్ టర్బోచార్జ్డ్ పెట్రోల్ ఇంజిన్. ఈ కారులో గేర్ ట్రాన్స్‌మిషన్ ఆప్షన్ 5-స్పీడ్ మాన్యువల్, ఏ‌టి అండ్ సి‌వి‌టి. రెనాల్ట్ కిగర్ ఎస్‌యూ‌వి  మైలేజ్ 20 kmpl.ఈ ఎస్‌యూ‌వి ప్రారంభ ఎక్స్-షోరూమ్ ధర రూ .5.64 లక్షలు.
 

నిస్సాన్ మాగ్నైట్ భారతీయ కార్ల మార్కెట్లో జపాన్ ప్రముఖ ఆటోమొబైల్ కంపెనీ నిస్సాన్ మోటార్ ఇండియా అదృష్టాన్ని మార్చివేసింది. లాంచ్‌తోనే ఈ కారు చౌకైన సబ్-కాంపాక్ట్ ఎస్‌యూ‌విగా వార్తల్లో నిలిచింది. దీనిలోని ఎన్నో ఫీచర్ల కారణంగా ఈ విభాగంలో ఇష్టమైన కారుగా అవతరించింది. నిస్సాన్ మాగ్నైట్ భారతదేశంలో రెండు పెట్రోల్ ఇంజిన్లలో అందుబాటులో ఉంది-1.0-లీటర్ అండ్ 1.0-లీటర్ టర్బో పెట్రోల్ ఇంజన్. దీని 1.0 లీటర్ పెట్రోల్ ఇంజన్ 70 బిహెచ్‌పి పవర్, 96 ఎన్ఎమ్ గరిష్ట టార్క్ ఉత్పత్తి చేస్తుంది.  1.0-లీటర్ టర్బో పెట్రోల్ యూనిట్ 97bhp శక్తిని, 160 Nm గరిష్ట టార్క్‌ను ఉత్పత్తి చేస్తుంది. రెండు ఇంజిన్లలో 5-స్పీడ్ మాన్యువల్ గేర్‌బాక్స్ ఉంటుంది. మాన్యువల్ పెట్రోల్ ఇంజిన్‌ 19.42 kmpl మైలేజ్, ఆటోమేటిక్ (CVT)లో లీటరుకు 17.7 కిలోమీటర్ల మైలేజ్ ఇస్తుంది. ఈ ఎస్‌యూ‌వి ప్రారంభ ఎక్స్-షోరూమ్ ధర రూ. 5.59 లక్షలు. 

దక్షిణ కొరియా  ఆటో తయారీ సంస్థ కియా మోటార్స్  కియా సోనెట్  సబ్ -4 సిటర్ల ఎస్‌యూ‌వి విభాగంలోకి ప్రవేశించింది. స్వల్ప వ్యవధిలో కియా సోనెట్ ఎస్‌యూ‌వి భారతీయ కార్ మార్కెట్లో బాగా ప్రాచుర్యం పొందింది. కియా సొనెట్ రెండు వేరియంట్లలో  లభిస్తుంది. కియా సోనెట్ ఎస్‌యూ‌వి మైలేజ్ 18.2 kmpl నుండి 24.1 kmpl వరకు ఉంటుంది. సోనెట్ పెట్రోల్ ఇంజిన్‌  18.2 నుండి 18.4 kmpl మైలేజ్ ఇస్తుంది. మరోవైపు డీజిల్ ఇంజిన్‌తో సోనెట్ 19 నుండి 24.1 kmpl మైలేజ్ ఇస్తుంది. కియా సోనెట్ ఎస్‌యూ‌వి ప్రారంభ ఎక్స్-షోరూమ్ ధర రూ .6.79 లక్షలు.

దేశంలో అమ్ముడవుతున్న  అత్యంత ప్రజాదరణ పొందిన సబ్ -4 సిటర్ల కాంపాక్ట్ ఎస్‌యూ‌వి కార్లలో హ్యుందాయ్ వెన్యూ ఒకటి. ఈ ఎస్‌యూ‌వి 2019 సంవత్సరంలో భారతీయ మార్కెట్లో లాంచ్ చేశారు. వెన్యూ పెట్రోల్ ఇంజన్ వేరియంట్‌  17.52 kmpl మైలేజ్ ఇస్తుంది. టర్బోచార్జ్డ్ పెట్రోల్ వేరియంట్ మాన్యువల్ గేర్‌బాక్స్‌తో 18.2 kmpl, టర్బోచార్జ్డ్ పెట్రోల్ ఆటోమేటిక్ గేర్‌బాక్స్‌ 18.15 kmpl మైలేజ్ ఇస్తుంది. ఈ ఎస్‌యూ‌వి కారు డీజిల్ ఇంజిన్ వేరియంట్ 23.4 kmpl మైలేజ్ ఇస్తుంది. హ్యుందాయ్ వెన్యూ ఎస్‌యూ‌వి ప్రారంభ ఎక్స్-షోరూమ్ ధర రూ. 6.92 లక్షలు.

దేశంలోనే అతిపెద్ద కార్ల తయారీ సంస్థ మారుతి సుజుకి  సబ్ -4 సిటర్ ఎస్‌యూవీ మారుతి వితారా బ్రెజ్జా బాగా ప్రాచుర్యం పొందింది. విటారా బ్రెజ్జా కారు ఇప్పుడు పెట్రోల్ ఇంజిన్‌తో మాత్రమే అందుబాటులో ఉంది. కంపెనీ  డీజిల్ వేరియంట్‌ను నిలిపివేసింది. కంపెనీ ఇటీవలే  ఫేస్‌లిఫ్ట్ వెర్షన్‌ను విడుదల చేసింది. వితారా బ్రెజ్జా ఫేస్ లిఫ్ట్ మాన్యువల్ గేర్‌బాక్స్‌తో 17.03 kmpl మైలేజ్ ఇస్తుంది. ఆటోమేటిక్ గేర్‌బాక్స్‌  మైలేజ్ 18.76 kmpl. ఈ ఎస్‌యూ‌వి ధర రూ. 7.51 లక్షల నుండి ప్రారంభమవుతుంది.