జగన్ కు మోడీ భర్త్ డే విషెస్: వెల్లువెత్తుతున్న జన్మదిన శుభాకాంక్షలు
దేశ ప్రధాని నరేంద్ర మోదీ జగన్ కు ప్రత్యేకంగా భర్త్ డే విషెస్ తెలిపారు. అలాగే పలు రాష్ట్రాల ముఖ్యమంత్రులు, కేంద్ర మంత్రులు, తెలుగు రాష్ట్రాల్లో యూకే హైకమీషనర్, రాష్ట్ర మంత్రులు, వైసిపి ఎమ్మెల్యేలు, నాయకులు శుభాకాంక్షలు తెలిపారు.
అమరావతి: వైఎస్సార్ కాంగ్రెస్ పార్టీ అధినేత, ఏపీ సీఎం వైఎస్ జగన్మోహన్ రెడ్డి పుట్టినరోజు సందర్భంగా ఆయనకు రాష్ట్రంనుండే కాదు జాతీయ,అంతర్జాతీయ స్థాయిలో శుభాకాంక్షలు వెల్లువెత్తుతున్నాయి. ఈ క్రమంలోనే దేశ ప్రధాని నరేంద్ర మోదీ జగన్ కు ప్రత్యేకంగా భర్త్ డే విషెస్ తెలిపారు. అలాగే పలు రాష్ట్రాల ముఖ్యమంత్రులు, కేంద్ర మంత్రులు, తెలుగు రాష్ట్రాల్లో యూకే హైకమీషనర్, రాష్ట్ర మంత్రులు, వైసిపి ఎమ్మెల్యేలు, నాయకులు శుభాకాంక్షలు తెలిపారు.
''ఆంధ్ర ప్రదేశ్ ముఖ్యమంత్రి వైఎస్ జగన్ కు పుట్టినరోజు శుభాకాంక్షలు. ఆయనకు ఆ దేవుడు చిరకాలం ఆయురారోగ్యాలు ప్రసాధించాలని కోరుకుంటున్నా'' అంటూ ప్రధాని మోదీ ట్వీట్ చేశారు.
మరో కేంద్ర మంత్రి నితీన్ గడ్కరీ కూడా జగన్ కు సోషల్ మీడియా వేదికన పుట్టినరోజు శుభాకాంక్షలు తెలిపారు. ''ఏపీ ముఖ్యమంత్రి జగన్ కు పుట్టినరోజు శుభాకాంక్షలు. ఆయన మంచి ఆరోగ్యంతో చిరకాలం జీవించాలి'' అని కేంద్రమంత్రి కోరుకున్నారు.
''ఆంధ్రప్రదేశ్ ముఖ్యమంత్రి శ్రీ వై యస్ జగన్ మోహన్ రెడ్డి గారికి హృదయపూర్వక జన్మదిన శుభాకాంక్షలు. ఆంధ్రప్రదేశ్ మరియు దేశ ప్రజల సేవలో మీకు మంచి ఆరోగ్యం మరియు దీర్ఘాయువు కలగాలని ఆకాంక్షిస్తున్నాను'' అంటూ జగన్ కు తెలుగులో పుట్టినరోజు శుభాకాంక్షలు తెలిపారు లోక్ సభ స్పీకర్ ఓం బిర్లా.
తెలుగు రాష్ట్రాల్లోని యూకే హైకమీషనర్ ఆండ్రూ ప్లెమింగ్ కూడా సీఎం జగన్ శుభాకాంక్షలు తెలిపారు. ''యూకే కమీషనరేట్ టీమ్ తరపున ఏపీ సీఎం జగన్ కు పుట్టినరోజు శుభాకాంక్షలు'' అంటూ ట్వీట్ చేశారు.
కర్ణాటక ముఖ్యమంత్రి యెడ్యూరప్ప కూడా జగన్ కు భర్త్ డే విషెస్ తెలిపారు. ఏపీ సీఎం జగన్ కు పుట్టినరోజు శుభాకాంక్షలు. ఆయన చిరకాలం ఆయురారోగ్యాలతో మరింత ప్రజాసేవ చేయాలని కోరుకుంటున్నా'' అంటూ ట్వీట్ చేశారు.
టాలీవుడ్ స్టార్ మహేష్ బాబు కూడా జగన్ కు భర్త్ డే విషెస్ తెలిపారు. ''గౌరవనీయులైన ముఖ్యమంత్రి జగన్ కు పుట్టిపరోజు శుభాకాంక్షలు. ఏపీ అభ్యున్నతి దిశగా సాగిస్తున్న మీ ప్రయత్నాలు, అలుపెరగని శ్రమ ఫలించాలని కోరుకుంటున్నా. మంచి ఆరోగ్యం, చిరకాలం ఆనందాన్ని ప్రసాదించాలని దేవున్ని కోరుకుంటున్నా'' అంటూ మహేష్ బాబు ట్వీట్ చేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
