వివాహేతర సంబంధం : నాలుగు నెలల గర్భిణిని రోకలి బండతో కొట్టి చంపి.. భర్త పరార్...

భార్య గర్భవతి అని కూడా చూడకుండా వివాహేతర సంబంధానికి అడ్డుగా ఉందన అది దారుణంగా హతమార్చాడో భర్త. రోకలి బండతో తలపై మోది పారిపోయాడు.  

వేలేరుపాడు : వివాహేతర సంబంధం నేపథ్యంలో.. అడ్డుగా ఉందని భార్యను అతి దారుణంగా హత మార్చాడో భర్త. అయితే భార్య 4 నెలల గర్భంతో ఉందని కూడా ఆలోచించలేదు ఆ కిరాతకుడు. భార్యను హత్య చేసిన తర్వాత అక్కడి నుంచి పారిపోయాడు. దీని మీద కేసు నమోదు కావడంతో పోలీసులు అతడిని అరెస్టు చేశారు ఈ ఘటన ఆంధ్రప్రదేశ్లో కలకలం రేపింది. దీనికి సంబంధించిన వివరాలు ఇలా ఉన్నాయి…

ఆంధ్ర ప్రదేశ్ లోని వేలేరుపాడు లోని పాత రెడ్డిగూడెంలో  ఈ ఘటన జరిగింది. ఈ గ్రామానికి చెందిన సోడే వెంకటేశ్వర్లకు రాధ అనే మహిళతో పదేళ్ల క్రితం వివాహం అయ్యింది. వీరికి ముగ్గురు పిల్లలు ఉన్నారు. ఒక  కుమారుడు, ఇద్దరు కూతుర్లు ఉన్నారు. ఇటీవల వెంకటేశ్వర్లు మద్యానికి అలవాటు పడ్డాడు. మద్యం తాగి వచ్చి ఇంట్లో తరచుగా గొడవలు పడుతుండేవాడు. దీనికి తోడు గత కొంత కాలంగా ఒక గిరిజన యువతితో వివాహేతర సంబంధం కొనసాగిస్తున్నాడు.

గొడవ జరిగిన రోజు రాత్రి ఇంట్లో ఉన్న రోకలిబండతో రాధ తలపై బలంగా రెండుసార్లు మోదాడు. దీంతో ఆమె అక్కడికక్కడే రక్తపు మడుగులో కుప్పకూలిపోయింది. ఆ తర్వాత వెంకటేశ్వర్లు అక్కడి నుంచి పారిపోయాడు. తీవ్ర గాయాలతో పడిపోయి ఉన్న రాదను గమనించిన స్థానికులు వెంటనే ప్రభుత్వాసుపత్రికి తరలించారు. 

అక్కడ చికిత్స తీసుకుంటూ పరిస్థితి విషమించడంతో ఆమె ఏప్రిల్ ఒకటవ తేదీన ప్రాణాలు విడిచింది.  ఈ ఘటన మీద పోలీసులు కేసు నమోదు చేసుకున్నారు. పరారీలో ఉన్న నిందితుడైన వెంకటేశ్వరులను గురువారం నాడు వసంత వాడ వద్ద అదుపులోకి తీసుకొని కోర్టులో హాజరు పరిచారు.