విజయనగరం టీడీపీలో పంచాయితీ: ఆశోక్‌తో అమీతుమీకి గీత రెడీ

విజయనగరంలో టీడీపీ కార్యాలయం మాజీ కేంద్ర మంత్రి ఆశోక్ గజపతి రాజు బంగ్లాలో ఉంది.  ఈ కార్యాలయాన్ని కాదని మీసాల గీత పార్టీ కార్యాలయాన్ని ఏర్పాటు చేశారు.ఈ కార్యాలయ ప్రారంభోత్సవ కార్యక్రమానికి మాజీ ఎమ్మెల్యేతో పాటు  కొందరు టీడీపీకి చెందిన ప్రజా ప్రతినిధులు పాల్గొన్నారు.

ఈ విషయమై ఆశోక్ గజపతిరాజు వర్గీయులు టీడీపీ చీఫ్ చంద్రబాబుకు ఫిర్యాదు చేశారు.విజయనగరంలో కొత్తగా పార్టీ కార్యాలయం  విషయమై పార్టీ నేతల మధ్య విభేదాలపై చర్చించాలని చంద్రబాబునాయుడు అచ్చెన్నాయుడుకు సూచించారు.

అచ్చెన్నాయుడు సూచన మేరకు విజయనగరంలో ఏర్పాటు చేసిన  కొత్త కార్యాలయానికి మీసాల గీత వర్గీయులు బోర్డును తొలగించారు. 

ఆశోక్ గజపతిరాజు బంగ్లాలో కాకుండా  కొత్త కార్యాలయాన్ని ఏర్పాటు చేయిస్తానని అచ్చెన్నాయుడు హామీ ఇచ్చారని  మీసాల గీత చెబుతున్నారు. ఈ హమీని పార్టీ నాయకత్వం నిలుపుకోలేదు. దీంతో మరోసారి పార్టీ కార్యాలయానికి మీసాల గీత  బోర్డును ఏర్పాటు చేశారు.

పార్టీని వీడేందుకే అధిష్టానం చేసిన  సూచనలను కూడ పట్టించుకోకుండా మీసాల గీత కొత్త పార్టీ కార్యాలయాన్ని ఏర్పాటు చేశారని ఆశోక్ గజపతి రాజు వర్గం ఆరోపిస్తోంది.

అచ్చెన్నాయుడు ఇచ్చిన హామీని నిలుపుకోకపోవడంతో  మీసాల గీత మరోసారి పార్టీ కార్యాలయానికి  పార్టీ కార్యాలయం బోర్డును ఏర్పాటు చేశారు. పార్టీ కార్యాలయం  విషయంలో నాయకత్వం ఇచ్చిన హామీని నిలుపుకోకపోవడంతో పార్టీ కార్యాలయానికి బోర్డు ఏర్పాటు చేసినట్టుగా మీసాల గీత తెలిపారు.

2019 ఎన్నికల్లో సిట్టింగ్ ఎమ్మెల్యే గీతను కాదని  విజయనగరం నుండి ఆశోక్ గజపతి రాజు కూతురికి చంద్రబాబు  అసెంబ్లీ టికెట్టు కేటాయించారు. అయితే ఈ స్థానం నుండి పోటీ చేసిన ఆశోక్ గజపతి రాజు కూతురు ఎన్నికల్లో ఓటమి పాలైంది.

కొంత కాలంగా తనకు పార్టీ కార్యక్రమాల గురించి సమాచారం రావడం లేదని మీసాల గీత ఆరోపిస్తున్నారు. ఈ కారణంగానే పార్టీ కార్యాలయాన్ని ఏర్పాటు చేసినట్టుగా చెప్పారు.