ఏపీకి మళ్ళీ వర్షాలు.. రెండ్రోజుల పాటు స్కూళ్లకు సెలవులు ప్రకటించే అవకాశం

భూమధ్యరేఖకు ఆనుకుని ఉన్న హిందూ మహాసముద్రం, దానికి సమీపంలోని ఆగ్నేయ బంగాళాఖాతం నుండి దక్షిణ కేరళ తీరం వరకు వాతావరణంలో అల్ప పీడనం నెలకొంది. కేరళ తీరానికి దూరంగా ఉన్న ఆగ్నేయ అరేబియా సముద్రంలోనూ ఇదే పరిస్థితి.

ఈ అల్పపీడనం కారణంగా రెండు రోజుల పాటు, ఆంధ్రప్రదేశ్, తమిళనాడు తీర ప్రాంతంలోని ఒకటి రెండు ప్రదేశాలలో, పుదుచ్చేరి కారైక్కాల్‌లలో తేలికపాటి నుంచి మోస్తరు వర్షాలు కురిసే అవకాశం ఉంది. సాధారణంగా ఉదయం పూట తేలికపాటి పొగమంచు కనిపిస్తుంది. పర్వత ప్రాంతాల్లో ప్రాంతాలలో రాత్రిపూట ఒకటి రెండు చోట్ల మంచు కురిసే అవకాశం ఉంది.

అదేవిధంగా 9వ తేదీన కూడా నెల్లూరు, తిరుపతి, ప్రకాశం, ఇతర ఏపీలోని తీర ప్రాంత జిల్లాలు, తమిళనాడు తీర ప్రాంతంలోని ఒకటి రెండు ప్రదేశాలలో, తేలికపాటి నుంచి మోస్తరు వర్షాలు కురిసే అవకాశం ఉంది. 

మత్స్యకారులకు హెచ్చరిక

9వ తేదీన దక్షిణ బంగాళాఖాతం ఉత్తర ప్రాంతాలలో గంటకు 35 నుంచి 45 కి.మీ వేగంతో, అప్పుడప్పుడు 55 కి.మీ వేగంతో గాలులు వీచే అవకాశం ఉంది.

10వ తేదీన నైరుతి బంగాళాఖాతం ఉత్తర ప్రాంతాలు మరియు ఆనుకుని ఉన్న ఆగ్నేయ బంగాళాఖాతంలో గంటకు 35 నుంచి 45 కి.మీ వేగంతో, అప్పుడప్పుడు 55 కి.మీ వేగంతో గాలులు వీచే అవకాశం ఉంది. కాబట్టి పైన పేర్కొన్న రోజుల్లో మత్స్యకారులు ఈ ప్రాంతాలకు వెళ్లవద్దని వాతావరణ శాఖ అధికారులు సూచించారు.

మరోవైపు వర్షాలు తీవ్ర రూపం దాల్చితే మరో రెండు రోజులు తిరుపతి, నెల్లూరు, జిల్లాల్లోని స్కూళ్లకు జిల్లా అధికారులు సెలవులు ప్రకటించే అవకాశం ఉంది.