`బేబి` సినిమాతో పాపులర్ అయ్యాడు విరాజ్ అశ్విన్. మంచి క్రేజ్ని, ఫాలోయింగ్ని ఏర్పర్చుకున్నాడు. అయితే ఆ సినిమా తర్వాతి ఫలితం తర్వాత లైఫ్లో వచ్చిన మార్పులను తెలిపాడు విరాజ్.
విరాజ్ అశ్విన్ `బేబి` సినిమాతో పాపులర్ అయ్యాడు. అందులో విరాజ్ పాత్రలో నటించాడు. సాయి రాజేష్ దర్శకత్వం వహించిన ఈ మూవీలో ఆనంద్ దేవరకొండ, వైష్ణవి చైతన్య జంటగా నటించిన విషయం తెలిసిందే. సినిమాలో విరాజ్.. కాలేజ్ కుర్రాడిలా, వైష్ణవితో రొమాన్స్ చేసే పాత్రలో కనిపించాడు. ఆయనతో లిప్ లాక్ సీన్లు, బెడ్ సీన్లు థియేటర్లలో బాగా పేలాయి. వాటికి విశేష స్పందన లభించింది. వాటి కోసమే ఆడియెన్స్ ఈ మూవీని రిపీటెడ్గా చూశారని చెప్పడంలో అతిశయోక్తి లేదు.
`బేబి` పెద్ద హిట్ కావడంతో విరాజ్ లైఫే మారిపోయింది. హీరోగా ఆయనకు నెక్ట్స్ లెవల్ గుర్తింపు వచ్చింది. తన మార్కెట్, క్రేజ్ పెరిగింది. దీంతో హీరోగా అవకాశాలు వస్తున్నాయి. ఇటీవల `హాయ్ నాన్న`లో చిన్న పాత్రలో మెరిశాడు విరాజ్. ఇప్పుడు `జోరుగా హుషారుగా` మూవీతో రాబోతున్నాడు. పూజిత పొన్నాడ కథానాయిక. అనుప్రసాద్ దర్శకుడు. నిరీష్ తిరువిధుల ఈ చిత్రాన్ని నిర్మించారు. ఇది ఈ నెల 15న ప్రేక్షకుల ముందుకు రానుంది. ఈ సందర్భంగా హీరో విరాజ్ అశ్విన్ ఆసక్తికర విషయాలను వెల్డించారు.
`బేబి` ముందుతో పొల్చితే హీరోగా చాలా ఆఫర్లు వస్తున్నాయి. బేబీ తరువాత దాదాపు అన్ని జానర్ల కథలు విన్నాను. అయితే బేబి ప్రభావంతో ఎక్కువగా లవర్బాయ్ పాత్రలే వస్తున్నాయి. అయితే నేను మాత్రం కథ, నా పాత్ర నచ్చితే సినిమా ఒప్పుకోవాలని నిర్ణయించుకున్నాను. నిజానికి `బేబి` చిత్రం హిట్ అవుతుందని అనుకున్నాం. కానీ ప్రేక్షకులు ఇంత పెద్ద బ్లాక్బస్టర్ ఇస్తారని అనుకోలేదు. బేబి తరువాత చాలా ఆఫర్లు వస్తున్నాయి. చాలా వరకు అలాంటి పాత్రలే వచ్చాయి. ఆ తరహా స్క్రిప్ట్ లతోనే మేకర్స్ వస్తున్నారు. కానీ నేను బాధ్యతగా, చాలా సెలెక్టివ్గా వెళుతున్నాను. ఒక హిట్ సినిమా తరువాత వస్తున్న సినిమాకు ఎంత పెద్ద హెల్ప్ అవుతుందనడానికి `జోరుగా హుషారుగా` మంచి ఉదాహరణ.
`బేబి` తరువాత వస్తున్న ఈ సినిమాపై అందరిలోనూ మంచి పాజిటివ్ వైబ్స్ వున్నాయి. నాకైతే వ్యక్తిగతంగా కాస్త ప్రెజర్గా వున్న సినిమా తప్పకుండా సినిమా తప్పకుండా విజయం సాధిస్తుందన్న నమ్మకం వుందని తెలిపారు. `బేబి`లో ధనిక యువకుడిగా కనిపించాను. `జోరుగా హుషారుగా` చిత్రంలో ఓ మిడిల్ క్లాస్ అబ్బాయిగా కనిపిస్తాను. చేనేత కుటుంబానికి చెందిన యువకుడిగా నాలో చాలా ఎమోషన్స్ వుంటాయి. ఎన్నికష్టాలున్నా మనసులో దాచుకుని బయటికి సంతోషంగా కనిపించే యువకుడిగా నా పాత్ర అందరిని ఎంటర్టైన్ చేసే విధంగా వుంటుంది. పర్సనల్గా నాకు నా పాత్ర ఎంతో కనెక్ట్ అయ్యింది. బేబిలో పాత్రకు పూర్తి భిన్నమైన పాత్రలో కనిపిస్తాను.
ఈ చిత్రంలో ముఖ్యంగా ఫాదర్ అండ్ సన్ ఎమోషన్ అందర్ని కట్టిపడేస్తుంది. ఒక మిడిల్ క్లాస్ ఫాదర్ తన కొడుకును సక్సెస్ఫుల్ చేయడానికి ఎలాంటి త్యాగాలు చేశాడు? ఫ్యామిలీ కోసం కొడుకు ఏం చేశాడు? అనేది ఎంతో ఎమోషన్గా వుంటుంది. `హాయ్ నాన్న`, `యానిమల్`, తాజాగా `జోరుగా హుషారుగా`, రాబోయే `సైందవ్` సినిమా అన్ని ఫాదర్ ఎమోషన్ సినిమాలే అన్ని ఈ నెలలో విడుదల కావడం చాలా కాకతాళీయంగా, సర్ప్రైజింగ్ వుంది. మన లైఫ్లో బిగ్గెస్ట్ ఎమోషన్ ఫాదర్ ఎమోషన్. నిజంగా చాలా ఆనందంగా వుంది. తప్పకుండా మా సినిమా కూడా ప్రేక్షకులను అలరిస్తుందనే నమ్మకం వుంది` అని చెప్పారు విరాజ్.
