Asianet News TeluguAsianet News Telugu

వెంకటేష్‌తో త్రిష రొమాన్స్.. 14ఏళ్ల తర్వాత కలుస్తున్న జోడీ.. ?

విక్టరీ వెంకటేష్‌ చివరగా `సైంధవ్‌` చిత్రంతో వచ్చాడు. సంక్రాంతికి ఈ మూవీ విడుదలైంది. తీవ్ర నిరాశ పరిచింది. కానీ ఈ సారి మాత్రం డిజప్పాయింట్‌ చేయకూడదని ప్లాన్‌ చేస్తున్నారట. 
 

venkatesh ready to romance with trisha after 14 years ? arj
Author
First Published Feb 25, 2024, 3:47 PM IST

విక్టరీ వెంకటేష్‌ కెరీర్‌ ఇటీవల గాడి తప్పుతుంది. ఏ సినిమా చేసినా వర్కౌట్‌ అవడం లేదు. ఇటీవల `సైంధవ్‌`తో ఫ్లాప్‌ని మూటగట్టుకున్నాడు. ఒక్క `ఎఫ్‌3`నే బలవంతంగా వర్కౌట్‌ అయ్యింది. అంతకు ముందు సినిమాలు కూడా పెద్దగా ఆడలేదు. ఈ నేపథ్యంలో ఆయన నెక్ట్స్ ఎలాంటి సినిమా చేస్తాడనేది ఆసక్తికరంగా మారింది. మాటల మాంత్రికుడు త్రివిక్రమ్‌తో సినిమా ఉంటుందన్నారు. కానీ దీనిపై అప్‌డేట్‌ లేదు. గతంలోనూ ఈ కాంబో రావాల్సి ఉంది. కానీ ఆగిపోయింది. ఇప్పుడు కూడా ఎలాంటి అప్‌ డేట్‌ లేదు. 

తాజాగా వెంకటేష్‌ తనకు `ఎఫ్‌2`, `ఎఫ్‌3` విజయాలను అందించిన అనిల్‌ రావిపూడితో సినిమా చేయబోతున్నారట. ఈ కాంబోలో సినిమా ఫైనల్‌ అయినట్టు తెలుస్తుంది. వెంకీ కామెడీ టైమింగ్‌కి, అనిల్‌ రావిపూడి వంటి ఎంటర్‌టైన్‌మెంట్‌ చిత్రాలను అందించే దర్శకుడు పడితే ఎంటర్‌టైన్‌మెంట్ డబుల్‌ అవుతుందని భావిస్తున్నారు. ఆ వినోదాన్ని డబుల్‌ చేసేందుకు ప్రయత్నిస్తున్నారు. ఇప్పుడు ఈ ఇద్దరు కలిసి సినిమా చేస్తున్నారు. త్వరలోనే ఇది పట్టాలెక్కబోతుంది. 

అయితే ఇందులో హీరోయిన్‌గా మాత్రం ఇంట్రెస్టింగ్‌ నేమ్‌ వినిపిస్తుంది. త్రిషని అనుకుంటున్నారట. దాదాపు కన్ఫమ్‌ అని అంటున్నారు. వెంకటేష్‌, త్రిష కాంబినేషన్‌లో అంతకు ముందు `ఆడవారి మాటలకు అర్థాలు వేరులే`, `నమో వెంకటేశ` చిత్రాలు వచ్చాయి. రెండు బాగానే ఆడాయి. దాదాపు 14ఏళ్ల తర్వాత మరోసారి ఈ ఇద్దరు కలిసి చేయబోతున్నారు.

వెంకటేష్‌, అనిల్‌ రావిపూడి కాంబినేషన్‌లో సినిమాని దిల్‌ రాజు నిర్మించబోతున్నారు. ఈ సినిమా షూటింగ్‌ని త్వరలోనే ప్రారంభించి వచ్చే ఏడాది సంక్రాంతికి విడుదల చేయాలనుకుంటున్నారు. వచ్చే సంక్రాంతికి దిల్‌రాజు `శతమానం భవతి2`ని ప్రకటించారు. కానీ ఆ స్థానంలో వెంకీ మూవీని తీసుకురావాలనుకుంటున్నారట. అనిల్‌ రావిపూడి చివరగా బాలయ్యతో `భగవంత్‌ కేసరి` మూవీని రూపొందించారు. ఇది ఫర్వాలేదనిపించుకుంది. 

Read more: అమలా పాల్‌ బేబీ బంప్ పై భర్త ఇంట్రెస్టింగ్‌ పోస్ట్ .. బీచ్‌లో విలువైనది పంచుకున్న డస్కీ బ్యూటీ..

ఇక త్రిష తెలుగులో అడపాదడపా సినిమాలు చేస్తుంది. త్రిష బాలయ్యతో చేసిన `లయన్‌` తర్వాత తెలుగు సినిమాలకు దూరంగా ఉంది. దాదాపు తొమ్మిదేళ్లు అవుతుంది ఆమె తెలుగులో సినిమా చేయక ఇప్పుడు చిరంజీవితో `విశ్వంభర` చిత్రంలో నటిస్తుంది. దీంతోపాటు వెంకీతోనే మెరుస్తుందని తెలుస్తుంది. ఈ మూవీ పండగలా ఉంటుందని తెలుస్తుంది. 

Also read: ప్రభాస్, రామ్ చరణ్ , అల్లు అర్జున్, నయనతార.. సొంత విమానం కలిగి ఉన్న సౌత్ స్టార్స్ వీళ్ళే...
 

Follow Us:
Download App:
  • android
  • ios