ఫిదా', 'తొలిప్రేమ', 'అంతరిక్షం', 'ఎఫ్‌2' అంటూ ఒకదానికొకటి సంబంధం లేని చిత్రాలు చేస్తూ దూసుకుపోతున్నారు వరణ్ తేజ.   తాజాగా వరుణ్‌తేజ్‌ హీరోగా 14 రీల్స్‌ ప్లస్‌ పతాకంపై డైరెక్టర్‌ హరీష్‌ శంకర్‌ దర్శకత్వంలో రామ్‌ ఆచంట, గోపీ ఆచంట నిర్మిస్తున్న భారీ చిత్రం 'వాల్మీకి'. 

ఈ గ్యాంగస్టర్ కామెడీ చిత్రాన్ని సెప్టెంబర్ 6న విడుదల చేయటానికి దర్శక, నిర్మాతలు నిర్ణయించినట్లు సమాచారం. ఈ మేరకు త్వరలోనే అఫీషియల్ ప్రకటన రానుంది. ఇప్పటికే దాదాపు సగ భాగం షూటింగ్ పూర్తి చేసుకున్న ఈ చిత్రం జూలైకు ప్రొడక్షన్స్ ఫార్మాలిటీస్ అన్ని పూర్తి చేయాలని శరవేగంగా షూట్ చేస్తున్నారు. 
  
ఈ సినిమాని త‌మిళ బ్లాక్ బ‌స్ట‌ర్ జిగ‌ర్తాండ‌కు రీమేక్ గా తెర‌కెక్కిస్తున్నార‌ు.  నేటివిటీని దృష్టిలో పెట్టుకుని ఈ సినిమా స్క్రిప్టును తెలుగైజ్ చేశార‌ట‌.  జిగర్తాండ తమిళ వెర్షన్ కి `పిజ్జా` ఫేం కార్తీక్ సుబ్బరాజు దర్శకత్వం వహించారు.  ఈ సినిమా లో సిద్ధార్థ్, బాబీసింహా హీరోలుగా నటించారు. 2014లో వచ్చిన హిట్ చిత్రాలలో ఒకటిగా నిలిచింది. వైవిధ్యభరితమైన చిత్రంగా ఈ సినిమాగా ప్రశంసలు అందుకుంది. 

ఈ సినిమాలో కథ ప్రకారం ...ఓ దుర్మార్గుడైన  రౌడీ షీటర్ లో ఓ సినీ దర్శకుడి వల్ల మార్పు వస్తుంది. వాల్మికి కథ కూడా అంతే.  ఒక దొంగ‌లోని ప‌రివ‌ర్త‌న అన్న‌ది వాల్మీకి క‌థ‌. అందుకే వాల్మికిని గుర్తు చేసేందుకు ఈ కథ కు ఈ టైటిల్ పెట్టారు.

ఈ చిత్రానికి  సినిమాటోగ్రఫీ: అయనంకా బోస్‌, కథ: కార్తీక్‌ సుబ్బరాజ్‌, స్క్రీన్‌ప్లే: మధు, చైతన్య, ఆర్ట్‌: అవినాష్‌ కొల్ల, ఎడిటింగ్‌: ఛోటా కె.ప్రసాద్‌, ఫైట్స్‌: రామ్‌లక్ష్మణ్‌, ఎగ్జిక్యూటివ్‌ ప్రొడ్యూసర్‌: హరీష్‌ కట్టా, నిర్మాతలు: రామ్‌ ఆచంట, గోపీ ఆచంట, మాటలు-దర్శకత్వం: హరీష్‌ శంకర్‌.