యంగ్ హీరోలకు ఏ మాత్రం తగ్గకుండా నందమూరి బాలకృష్ణ కుర్ర హీరోలకు సినిమాల మీద సినిమాలు చేస్తున్నారు.
యంగ్ హీరోలకు ఏ మాత్రం తగ్గకుండా నందమూరి బాలకృష్ణ కుర్ర హీరోలకు సినిమాల మీద సినిమాలు చేస్తున్నారు. ఈ సంవత్సరం తన తండ్రి బయోపిక్ గా వచ్చిన కథానాయకుడు, మహా నాయకుడు చిత్రాలతో పలకరించిన ఆయన ఇప్పుడు కెఎస్ రవి కుమార్ సినిమాకు సంతకం చేసాడు. ఇప్పటికే స్క్రిప్టు పూర్తి అయిన ఈ చిత్రం షూటింగ్ త్వరలో పాల్గొననున్నారు. ఇందులోభాగంగా ఈనెల 17న పూజా కార్యక్రమాలు హైదరాబాద్లో చేపట్టాలని ప్లాన్ చేస్తున్నారు.
ఈ నేపధ్యంలో ఈ చిత్రంలో పాత్రల ఎంపికను పూర్తి చేస్తోంది టీమ్. అందుతున్న సమాచారం మేరకు తమిళ సీనియర్ హీరో శరత్ కుమార్ కుమార్తె వరలక్ష్మి ఈ సినిమాలో కీ రోల్ చేయనుంది. నెగిటివ్ పాత్రలో ఆమెను చూపించనున్నారు. మరో ప్రక్క జగపతిబాబును మెయిన్ విలన్ గా ఎంపిక చేసారని తెలుస్తోంది. ఇందులో విలన్ రోల్ చాలా పవర్ఫుల్గా వుంటుందని సమాచారం.
అంతేకాకుండా ఈ సినిమాలో హీరోయిన్ గా హరిప్రియను తీసుకున్నారని చెప్తున్నారు. హరిప్రియ, బాలయ్య ఇంతకు ముందు జయసింహ చిత్రంలో కనిపించారు. అన్ని పద్దతి ప్రకారం జరిగితే వచ్చేనెల నుంచి రెగ్యులర్ షూటింగ్ మొదలుపెట్టాలన్నది దర్శక,నిర్మాతల ప్లాన్. మాస్ యాక్షన్ ఎంటర్టైనర్గా రానుందట.
