స్టార్ హీరోయిన్ల స్మార్ట్ థింకింగ్..!

మన టాలీవుడ్ స్టార్ హీరోయిన్లు స్మార్ట్ గా థింక్ చేస్తున్నారు.. హీరోలతో ఆడిపాడుతూనే లేడీ ఓరియెంటెడ్ సినిమాలు చేయడానికి ఆసక్తి చూపుతున్నారు.

మన టాలీవుడ్ స్టార్ హీరోయిన్లు స్మార్ట్ గా థింక్ చేస్తున్నారు.. హీరోలతో ఆడిపాడుతూనే లేడీ ఓరియెంటెడ్ సినిమాలు చేయడానికి ఆసక్తి చూపుతున్నారు. స్టార్ హీరోయిన్లందరూ ఇలాంటి స్ట్రాటజీనే ఫాలో అవుతున్నారు. హీరోలతో జోడీ కడుతోన్న భామలు హీరోయిన్ సెంట్రిక్ మూవీస్ చేయాలని ఆశ పడుతున్నారు.

గ్లామర్ హీరోయిన్ గా ఎంట్రీ ఇచ్చిన అనుష్క.. ఆ తరువాత నటిగా మంచి గుర్తింపు తెచ్చుకుంది. 'అరుంధతి' సినిమా ముందు వరకు గ్లామర్ షోకి పరిమితమైన అనుష్క ఆ తరువాత లేడీ ఓరియెంటెడ్ సినిమాలు చేయడం మొదలుపెట్టింది. తన నటనతో ఆడియన్స్ పై గట్టి ముద్ర వేసింది. హీరోల పక్కన నటిస్తూనే హీరోయిన్ సెంట్రిక్ సినిమాలు చేస్తోంది.

ప్రస్తుతం అనుష్క 'సైలెన్స్' అనే థ్రిల్లర్ సినిమాలో నటిస్తోంది. ఇందులో నటుడు రానా కీ రోల్ పోషించనున్నాడని సమాచారం. త్వరలోనే దీనికి సంబంధించిన పూర్తి వివరాలు తెలియనున్నాయి.

పెళ్లి తరువాత సమంత మైండ్ సెట్ పూర్తిగా మారిపోయింది. రొమాంటిక్ పాత్రలకు గుడ్ బై చెప్పేసింది. లేడీ ఓరియెంటెడ్ సినిమాలపైనే ఈ అక్కినేని కోడలు ఫోకస్ చేస్తోంది. గతేడాది ఆమె చేసిన 'యూటర్న్' ఆ కోవలోదే.

ప్రస్తుతం నందిని రెడ్డి దర్శకత్వంలో 'బేబీ' అనే సినిమాలో నటిస్తోంది సమంత. ఈ సినిమాలో రెండు డిఫరెంట్ షేడ్స్ కనిపించనుంది సామ్.

మిల్కీ బ్యూటీ తమన్నా కూడా కథానాయిక ప్రాధాన్యత సినిమాలపై ఫోకస్ పెట్టింది. ఈ క్రమంలో ఆమె చేసిన 'అభినేత్రి' పెద్దగా సక్సెస్ కానప్పటికీ తన లక్ ని పరీక్షించుకోవడానికి 'దటీస్ మహాలక్ష్మి' తో ప్రేక్షకుల ముందుకు రాబోతుంది.

హీరోయిన్ అంజలి నటించిన 'గీతాంజలి' సినిమా సక్సెస్ కావడంతో ఇప్పుడు లేడీ ఓరియెంటెడ్ సినిమాలపై దృష్టి పెట్టింది. ఇప్పుడు తెలుగులో మరో లేడీ ఓరియెంటెడ్ సినిమాలో నటిస్తోందని సమాచారం. 'గీతాంజలి 2'కి ప్లాన్ చేస్తున్నారు.

'మహానటి' సినిమాతో కీర్తి సురేష్ లో కాన్ఫిడెన్స్ పెరిగిపోయింది. ఈ సినిమా సాధించిన విజయంతో కథల విషయంలో కీర్తి సురేష్ మైండ్ సెట్ పూర్తిగా మారిపోయింది. ఇప్పుడు మరిన్ని లేడీ ఓరియెంటెడ్ సినిమాలు చేయాలని చూస్తోంది. ప్రస్తుతం నరేంద్రన్ అనే కొత్త దర్శకుడితో లేడీ ఓరియెంటెడ్ సినిమా చేస్తోంది.

తమిళంలో స్టార్ హీరోయిన్ గా గుర్తింపు తెచ్చుకున్న నయన్ హీరోల పక్కన జోడీ కడుతూనే కథానాయిక ప్రాధాన్యమున్న సినిమాల్లో నటిస్తోంది. ఏడాదికి కనీసం మూడు, నాలుగు లేడీ ఓరియెంటెడ్ సినిమాల్లో నటిస్తోంది.

నటిగా తనకంటూ ప్రత్యేకమైన గుర్తింపు తెచ్చుకుంది నిత్యామీనన్. ఖాళీగా ఉన్నా పర్లేదు కానీ ప్రాధాన్యం లేని పాత్రలను మాత్రం చేయకూడదని భీష్మించుకొని కూర్చుంది. ప్రస్తుతం ఈ బ్యూటీ లేడీ ఓరియెంటెడ్ కథతో వస్తోన్న 'ప్రాణ' అనే సినిమాలో నటిస్తోంది.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి