యంగ్ టైగర్ ఎన్టీఆర్ (NTR), కొరటాల శివ కాంబినేషన్ లో వస్తున్న చిత్రం ‘ఎన్టీఆర్30’. ఈ మూవీ అప్డేట్స్ గురించి అభిమానులు ఎప్పటి నుంచే ఎంతగానో ఎదరుచూస్తున్నారు. కాగా, మేకర్స్ అప్డేట్ అందించేందుకు తాజాగా టైం ఫిక్స్ చేశారు.
టాలీవుడ్ స్టార్ హీరో, యంగ్ టైగర్ ఎన్టీఆర్ (NTR) ‘ఆర్ఆర్ఆర్’తో దేశవ్యాప్తంగా అభిమానులను సంపాదించుకున్నాడు. ఈ చిత్రం తర్వాత తారక్ ఫ్యాన్స్ ఫాలోయింగ్ ఊహించని స్థాయికి చేరుకుంది. ఈ సందర్భంగా ఆయన తదుపరి చిత్రాలైన ‘ఎన్టీఆర్ 30’, ‘ఎన్టీఆర్ 31’పైనా అభిమానులు భారీ అంచనాలు పెట్టుకున్నారు. రేపు తాకర్ పుట్టిన రోజు సందర్భంగా ఈ చిత్రాల నుంచి ఎలాంటి అప్డేట్ ఇవ్వనున్నారనోనని ఆశగా ఎదరుచూస్తున్నారు. వారి నిరీక్షణ ఫలించింది. తాజాగా ‘ఎన్టీఆర్ 30’ మేకర్స్ క్రేజీ అప్డేట్ అందించారు.
కొరటాల శివ, ఎన్టీఆర్ కాంబినేషన్ లో తెరకెక్కుతున్న చిత్రం ‘ఎన్టీఆర్ 30’ నుంచి ఫస్ట్ లుక్ తో పాటు మరో వీడియో బిట్ కూడా రానున్నదని ప్రచారం జరిగింది. మరోవైపు అసలు అప్డేట్స్ వస్తాయో రావోననే సందేహం కూడా కొందరిలో నెలకొంది. వీటన్నింటికి చెక్ పెడుతూ లేటెస్ట్ గా ‘ఎన్టీఆర్ 30’ నుంచి అప్డేట్ అందించారు. ‘మెరుపు దాడికి అంతా సిద్ధంగా ఉంది. చాలా మంది ఎదురుచూస్తున్న #NTR30 అప్డేట్ ఈరోజు సాయంత్రం 7:02 నిమిషాలకు రాబోతోంది. చూస్తూ ఉండండి!’ అంటూ అప్డేట్ అందించారు. దీంతో ఎన్టీఆర్ ఫ్యాన్స్ ఫుల్ ఖుషీ అవుతున్నారు.
అప్డేట్ అందిస్తూనే ఈ చిత్రానికి సంబంధించిన ఓ ఇంట్రెస్టింగ్ పోస్టర్ ను కూడా రిలీజ్ చేశారు మేకర్స్. పోస్టర్ లో ఎన్టీఆర్ లెఫ్ట్ హ్యాండ్ తో రక్తపు మరకలతో ఉన్న కత్తిని పట్టుకుని కనిపిస్తున్నాడు. బ్యాక్ గ్రాండ్ ను పరిశీలిస్తే రాత్రి సమయంలో మేఘాలు కమ్ముకున్న వేళ వర్షం కురుస్తుండగా సాగే పవర్ ఫుల్ సీక్వెన్స్ లాగా కనిపిస్తోంది. ఏదేమైనా ఈ పోస్టర్ సినిమాపైనా ఆసక్తిని పెంచుతోంది. ఇక సాయంత్రం వచ్చే అప్డేట్ ఎలా ఉండబోతోందనని ఎగ్జైట్ ఫీలవుతున్నారు అభిమానులు.
