తేజతో కాజల్.. మరోసారి..?
దర్శకుడు తేజ, హీరోయిన్ కాజల్ ల మధ్య ఉన్న బంధం గురించి ప్రత్యేకంగా చెప్పనక్కర్లేదు.
దర్శకుడు తేజ, హీరోయిన్ కాజల్ ల మధ్య ఉన్న బంధం గురించి ప్రత్యేకంగా చెప్పనక్కర్లేదు. కాజల్ కి తొలి సినిమా ఛాన్స్ ఇచ్చింది తేజానే.. అతడు రూపొందించిన 'లక్ష్మీ కళ్యాణం' సినిమాతో కాజల్ హీరోయిన్ గా ఎంట్రీ ఇచ్చింది.
ఆ తరువాత వీరిద్దరూ కలిసి 'నేనే రాజు నేనే మంత్రి' సినిమాకు పని చేశారు. ఇప్పుడు ముచ్చటగా మూడోసారి 'సీత' అనే చిత్రంతో ప్రేక్షకుల ముందుకు వస్తున్నారు. వచ్చే వారం ఈ సినిమా విడుదల కానుంది. ఈ సినిమా తరువాత తేజ, కాజల్ కలిసి మరో సినిమా చేయడానికి రెడీ అవుతున్నారట.
థ్రిల్లర్ నేపధ్యంలో సాగే ఓ కథను కాజల్ కోసం సిద్ధం చేశాడు తేజ. నిర్మాతలు కూడా సిద్ధంగానే ఉన్నారు. 'సీత' సినిమాకు వచ్చే రెస్పాన్స్ ని బట్టి వెంటనే ఈ కాంబినేషన్ ని సెట్స్ పైకి తీసుకువెళ్లాలా..? లేదంటే కొంత గ్యాప్ ఇవ్వాలా అనే విషయంలో ఓ నిర్ణయానికి వస్తారు.
'సీత' సినిమా గనుక హిట్ అయితే ఈ కాంబినేషన్ కి మంచి క్రేజ్ వస్తుంది. బిజినెస్ పరంగా డిమాండ్ కూడా పెరుగుతుంది. 'సీత' రిజల్ట్ ని బట్టి కొత్త సినిమా అనౌన్స్మెంట్ ఉంటుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
