“పెళ్ళిసందD ” భాధ్యత తణికెళ్ల భరణి చేతిలో ?

 ఆర్కా మీడియా వర్క్స్ సమర్పణలో ఆర్ కె ఫిల్మ్ అసోసియేట్స్ బ్యానర్ పై దర్శకేంద్రుడు కె రాఘవేంద్ర రావు పర్యవేక్షణలో  హీరో శ్రీకాంత్ తనయుడు రోషన్ హీరో గా “పెళ్ళిసందD ” మూవీ రూపొందనున్న సంగతి తెలిసిందే. మ్యూజికల్ బ్లాక్ బస్టర్ “పెళ్ళిసందడి “ మూవీకి రీమేక్ గా ఈ మూవీ రూపొందనుందని చెప్పబడుతున్న ఈ చిత్రానికి .... కీరవాణి సంగీతం అందిస్తున్నారు. ఈ మూవీ త్వరలోనే సెట్స్ పైకి వెళ్ళనుంది.

 ఈ సినిమాకు దర్శకుడుగా మొదట అనుకున్నగా కాకుండా తణికెళ్ల భరణి కు దర్శకత్వ భాధ్యతలు అప్పగించనున్నట్లు సమాచారం. ఫన్,లవ్ కలగలిపిన ఎంటర్టైనర్ గా రూపొందే ఈ చిత్రాన్ని సంస్కృతి సంప్రదాయాలకు ప్రతిరూపంగా తీర్చిదిద్దాలని రాఘవేంద్రరావు ఆలోచనట. దాంతో ఆయన పర్యవేక్షకుడుగా ఉంటూ భరణి దర్శకత్వంలో సినిమా చేస్తే ఎలా ఉంటుందని ప్లాన్ చేస్తున్నట్లు చెప్తున్నారు. ఈ మేరకు తణికెళ్ల భరణితో డిస్కషన్స్ జరుపుతున్నట్లు వినికిడి.  ‘మ్యూజికల్‌ సిట్టింగ్స్‌ ప్రారంభం అయ్యాయి, నటీనటుల వివరాలు త్వరలో చెబుతాం’ అని ఓ వీడియో ద్వారా ప్రకటించారు. మాధవి కోవెలమూడి, ప్రసాద్‌ దేవినేని, శోభు యార్లగడ్డ ఈ చిత్రాన్ని నిర్మించనున్నారు.  

అలాగే ఈ సినిమాకు ‘పెళ్ళిసందD’ అంటూ తమాషా టైటిల్ పెట్టడానికి కారణం ఉందంటున్నారు. ఈ  సినిమాలో ‘D’ అనే అక్షరానికి చాలా ఇంపార్టెన్స్ ఉంటుందని, అదే  సినిమాకి అదే హైలైట్ పాయింట్ అంటున్నారు.  పెళ్ళిసందడి తరహాలోనే ఈ సినిమాలోనూ ఇద్దరు హీరోయిన్స్ ఉంటారని అందులో ఒక హీరోయిన్ పేరు ‘D’ అనే అక్షరంతో ఉంటుందని.. ఈ సినిమాను లీడ్ చేసే పాయింట్ అదేనని తెలుస్తోంది.  ప్రస్తుతం హీరోయిన్స్ అన్వేషణలో మేకర్స్ ఉన్నారట. అప్పటి సినిమాకి  సంగీతం అందించిన కీరవాణే ఈ మూవీకి కూడా సంగీత దర్శకుడు. ఇప్పటికే  ఈ సినిమాకి సంబంధించిన ఆరు పాటల ట్యూన్స్ సిద్ధం చేశారని తెలుస్తోంది. మరి ఈ ‘పెళ్ళిసందD’ కూడా అప్పటి సినిమాలాగానే మ్యాజిక్ చేస్తుందని సినీ అభిమానులు ఎదురుచూస్తున్నారు.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

• raghavendra rao
• tanikella bharani
• tollywood
• టాలీవుడ్
• తణికెళ్ల భరణి
• పెళ్ళిసందD
• రాఘవేంద్రరావు