వినూత్నంగా బాలయ్య బర్త్‌డే వేడుకలు.. జగన్‌ నిర్ణయం
కరోనా కారణంగా ప్రజలు ఒకే చోట గుమిగూడే పరిస్థితి లేదు. దీంతో అభిమానులు ఈ సారి బాలయ్య బర్త్‌ డే వేడుకలను వినూత్నంగా నిర్వహించేందుకు ప్లాన్ చేస్తున్నారు. ఈ మేరకు ఎన్‌బీకే హెల్పింగ్‌ హ్యాండ్స్‌ సంస్థ నిర్వాహకుడు జగన్‌ అభిమానులకు పిలుపునిచ్చారు.
లాక్‌ డౌన్ కారణంగా సినీ కార్యక్రమాలు లేకపోవటంతో అభిమానుల్లో నిరుత్సాహం అలుముకుంది. దీనికి తోడు తమ అభిమాన తారల పుట్టిన రోజు కూడా లాక్‌ డౌన్ సమయంలో రావటంతో చాలా మంది హీరోల ఫ్యాన్స్ ఘనంగా వేడుకలు నిర్వహించలేకపోతున్నారు. ఈ నెల 10న నందమూరి నటసింహం బాలకృష్ణ పుట్టిన రోజు. ప్రతీ ఏటా ఈ రోజును ఓ పండుగలా నిర్వహిస్తారు నందమూరి అభిమానులు.
అయితే ఈ సారి అలాంటి పరిస్థితులు లేవు. కరోనా కారణంగా ప్రజలు ఒకే చోట గుమిగూడే పరిస్థితి లేదు. దీంతో అభిమానులు ఈ సారి బాలయ్య బర్త్‌ డే వేడుకలను వినూత్నంగా నిర్వహించేందుకు ప్లాన్ చేస్తున్నారు. ఈ మేరకు ఎన్‌బీకే హెల్పింగ్‌ హ్యాండ్స్‌ సంస్థ నిర్వాహకుడు జగన్‌ అభిమానులకు పిలుపునిచ్చారు. ప్రతీ సంవత్సరం నిర్వహించినట్టుగా కాకుండా ఈ సారి జూన్‌ 10న సరిగ్గా ఉదయం 10 గంటల 10 నిమిషాలకు ప్రతీ అభిమాని తన ఇంట్లో కేక్‌ చేసిన బాలకృష్ణ బర్త్‌డే సెలబ్రేట్ చేయాలని కోరాడు.
ప్రస్తుతం ఉన్న ప్రత్యేక పరిస్థితుల నేపథ్యంలో సామాజిక బాధ్యతతో ఈ నిర్ణయం తీసుకున్నట్టుగా వెల్లడించాడు జగన్‌. అంతేకాదు కరోనాపై పోరులో ముందు వరుసలో పనిచేస్తున్న డాక్టర్లు, పోలీసులు, శానిటేషన్ కార్మికులు, మీడియా వారు ఇలా అన్ని రంగాల వారిని తలుచుకుంటూ ఈ కార్యక్రమం నిర్వహించాలని ఆయన కోరారు. నందమూరి బాలకృష్ణ ఈ నెల 10న తన 60 వ పుట్టిన రోజు జరుపుకోబోతున్నారు. షష్టి పూర్తి సందర్భంగా ఆయన ప్రత్యేక పూజలు నిర్వహిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
