Bigg Boss 15 ఆఫర్ని రిజెక్ట్ చేసిన రతీ పాండే.. కారణమిదే..
బిగ్ బాస్ 15(Bigg Boss 15) సీజన్లో రతీ పాండే పాల్గొంటుందని, ఆల్మోస్ట్ కన్ఫమ్ అనే వార్తలు బాలీవుడ్లో చక్కర్లు కొట్టాయి. ఈ నేపథ్యంలో దీనిపై నటి రతీ పాండే స్పందించింది. తనకు ఆఫర్ వచ్చిన మాట నిజమే అని పేర్కొంది.
హిందీ బిగ్ బాస్ 15 (Bigg Boss 15)ని మరో నటి తిరస్కరించింది. ఇప్పటికే (లేట్) సుశాంత్ సింగ్ రాజ్పుత్ ప్రియురాలు రియా చక్రవర్తి ఈ ఆఫర్ని తిరస్కరించింది. దాదాపు అరకోటి వరకు ఆమెకి ఇచ్చేందుకు బిగ్ బాస్ నిర్వహాకులు సంప్రదించగా, రియా నో చెప్పేసింది. మరో హిందీ టీవీ నటి, `షాదీ ముబారక్` సీరియల్ ఫేమ్ రతీ పాండే సైతం ఈ ఆఫర్ని రిజెక్ట్ చేసిందట.
అయితే బిగ్ బాస్ 15 సీజన్లో రతీ పాండే పాల్గొంటుందని, ఆల్మోస్ట్ కన్ఫమ్ అనే వార్తలు బాలీవుడ్లో చక్కర్లు కొట్టాయి. ఈ నేపథ్యంలో దీనిపై నటి రతీ పాండే స్పందించింది. తనకు ఆఫర్ వచ్చిన మాట నిజమే అని పేర్కొంది. `అవును బిగ్ బాస్ 15 హౌజ్లో పాల్గొనేందుకు అవకాశం వచ్చింది. కానీ నాకున్న కమిట్మెంట్స్ కారణంగా ఈ సారి హౌజ్లోకి వెళ్లలేకపోతున్నా. ఈ షోలో తాను పాల్గొంటున్నట్టు వస్తున్న వార్తల్లో నిజం లేదు` అని పేర్కొంది రతీ పాండే.
ఆమె ఇంకా చెబుతూ, `నేను బిగ్ బాస్ చూడటం ఇష్టపడతాను. గతంలోని సీజన్లని కూడా ఫాలో అయ్యాను. కానీ నేను అందులో ప్రదర్శన చేస్తానా లేదా అనే విషయం కచ్చితంగా తెలియదు` అని తెలిపింది. రతీ చివరగా హిందీలో `షాదీ ముబారక్` సీరియల్లో మెరిసింది. వీటితోపాటు `సీఐడీ`, `రాత్ హోనే కో హై`, `మిలే జబ్ హమ్ తుమ్`, `హిట్లర్ దీదీ`, `కామెడీ సర్కస్`, `దేవీ ఆది పరాశక్తి` వంటి సీరియల్స్ లో నటించి పాపులర్ అయ్యింది రతీ పాండే. `బిగ్ బాస్ 6`లో ఆమె డాన్స్ కూడా చేయడం విశేషం.