మెగాస్టార్ కి ఉరి సెంటిమెంట్ కలిసొస్తుందా..?

First Published 23, Aug 2018, 4:01 PM IST
sentiment for sye ra narasimhareddy movie
Highlights

సినిమా ఇండస్ట్రీలో సెంటిమెంట్లకు కొదవే లేదు. పలానా రోజు సినిమా విడుదలైతే హిట్ కొడుతుంది, సినిమాలో ఆ నటుడు కనిపిస్తే చాలు సినిమా హిట్ అవుతుందని ఇలా రకరకాల సెంటిమెంట్లు. 

సినిమా ఇండస్ట్రీలో సెంటిమెంట్లకు కొదవే లేదు. పలానా రోజు సినిమా విడుదలైతే హిట్ కొడుతుంది, సినిమాలో ఆ నటుడు కనిపిస్తే చాలు సినిమా హిట్ అవుతుందని ఇలా రకరకాల సెంటిమెంట్లు. పాజిటివ్ సెంటిమెంట్లు ఎన్ని ఉంటాయో నెగెటివ్ సెంటిమెంట్లు కూడా ఆ రేంజ్ లోనే ఉంటాయి.  ఇప్పుడు ఒక సెంటిమెంట్ చిరంజీవి 'సై రా' సినిమాను కూడా వెంటాడుతోంది.

అదేంటంటే చిరంజీవి సినిమాల్లో ఉరి వేసే సీన్లు ఉంటే ఆ సినిమా సూపర్ హిట్ అనే భావన అభిమానుల్లో ఉంది. గతంలో 'ఖైదీ', 'అభిలాష', 'ఠాగూర్' లాంటి చిత్రాల్లో చిరంజీవి పాత్రకు ఉరి శిక్ష వేసిన సీన్లు ఉన్నాయి. ఆ సినిమాలు ఘన విజయం సాధించిన సంగతి తెలిసిందే. ఇప్పుడు చిరంజీవి నటిస్తోన్న 'సై రా నరసింహారెడ్డి' సినిమాలో కూడా ఉయ్యాలవాడని ఉరితీసే సన్నివేశాల్లో చిరంజీవి కనిపించబోతున్నారు.

సినిమాలో ఆ సన్నివేశాలు హైలైట్ గా నిలుస్తాయని చెబుతున్నారు. అయితే ఇక్కడ మరో ట్విస్ట్ ఉంది. ఆ సినిమాలన్నింటిలో చిరంజీవి పాత్ర చివరకి బ్రతికే ఉంటుంది. కానీ 'సై రా' చిరు పాత్ర దేశ స్వాతంత్య్రం కోసం ప్రాణాలు అర్పిస్తోంది. మరి ఈ సినిమాలో ఉరి సెంటిమెంట్ ఎంతవరకు వర్కవుట్ అవుతుందో చూడాలి!  

loader