Samantha: `శాకుంతలం` రిలీజ్ డేట్ ఖరారు.. టార్గెట్ ప్రేమికులే?
సమంత నటిస్తున్న మరో లేడీ ఓరియెంటెడ్ మూవీ `శాకుంతలం`. ఈ సినిమా నుంచి అదిరిపోయే అప్డేట్ వచ్చింది. రిలీజ్ డేట్ని ప్రకటించారు.
సమంత గతేడాది `యశోద` చిత్రంతో మెప్పించింది. లేడీ ఓరియెంటెడ్ చిత్రాల్లో ఇది ఓ ప్రత్యేకమైన మూవీగా నిలిచింది. ఇప్పుడు ఆమె నుంచి మరో సినిమా రాబోతుంది. ఎపిక్ లవ్ స్టోరీతో రాబోతుంది. పురాణాల నేపథ్యంలో రూపొందుతున్న `శాకుంతలం` చిత్రంలో సమంత నటిస్తుంది. గుణశేఖర్ దర్శకత్వంలో రూపొందిన చిత్రమిది. ప్రస్తుతం చిత్రీకరణ పూర్తి చేసుకుని పోస్ట్ ప్రొడక్షన్ పనులు జరుపుకుంటోంది. త్రీడీలో తెరకెక్కుతున్న ఈ చిత్రం నుంచి కొత్త సంవత్సరం సందర్భంగా క్రేజీ అప్డేట్ ఇచ్చింది యూనిట్.
`శాకుంతలం` చిత్ర యూనిట్ రిలీజ్ డేట్ని ప్రకటించింది. ప్రేమికుల రోజుని, మహాశివరాత్రిని పురస్కరించుకుని సినిమాని విడుదల చేయబోతున్నారు. ఫిబ్రవరి 17న రిలీజ్ చేయబోతున్నట్టు ప్రకటించారు. ఎపిక్ లవ్ స్టోరీగా ఈ చిత్రం రూపొందుతున్న విషయం తెలిసిందే. అందుకే వాలెంటైన్స్ డే సందర్భంగా ఈ చిత్రం రిలీజ్ చేయబోతుండటం విశేషం. ప్రపంచ వ్యాప్తంగా పాన్ ఇండియా స్థాయిలో తెలుగుతోపాటు సౌత్లో, హిందీలోనూ రిలీజ్కి ప్లాన్ చేస్తుంది యూనిట్.
ఇందులో శాకుంతలగా సమంత, ఆమెకి జోడీగా దుష్యంతుడి పాత్రలో దేవ్ మోహన్ నటిస్తున్నారు. శాకుంతల, దుష్యంతుడి ప్రేమ కథలోని కొత్త కోణాన్ని ఆశిష్కరించేలా ఈ చిత్రాన్ని రూపొందిస్తుంది. సమంత నటిస్తున్న సినిమా కావడంతో దీనిపై ఇప్పటికే అంచనాలున్నాయి. అయితే చాలా రోజులుగా దీనికి సంబంధించి ఎలాంటి అప్డేట్ లేదు. కొత్త సంవత్సరం సందర్భంగా అదిరిపోయే అప్డేట్ ఇచ్చారు. దీంతో సామ్ అభిమానులు ఊపిరిపీల్చుకున్నారు. ఈ సందర్భంగా ఓ కొత్త పోస్టర్ని రిలీజ్ చేశారు. ఇందులో సమంతని దేవ్ మోహన్ హగ్ చేసుకుని ఉన్న పోస్టర్ రొమాంటిక్గా ఆకట్టుకుంటుంది.