'RX100' క్రేజ్ ఇదీ!
చిన్న చిత్రంగా ప్రేక్షకుల ముందుకు వచ్చిన సినిమా 'RX100'. రిలీజ్ సమయానికి ఈ సినిమాపై ఎలాంటి అంచనాలు లేకపోయినప్పటికీ మొదటిరోజు నుండే ఈ సినిమా వసూళ్ల పరంగా పుంజుకుంది
చిన్న చిత్రంగా ప్రేక్షకుల ముందుకు వచ్చిన సినిమా 'RX100'. రిలీజ్ సమయానికి ఈ సినిమాపై ఎలాంటి అంచనాలు లేకపోయినప్పటికీ మొదటిరోజు నుండే ఈ సినిమా వసూళ్ల పరంగా పుంజుకుంది. ఈ బోల్డ్ రొమాంటిక్ లవ్ స్టోరీ యూత్ కి బాగా కనెక్ట్ అవ్వడంతో సూపర్ హిట్ టాక్ తో దూసుకుపోయింది. ఈ సినిమాలో నటించిన కార్తికేయ, పాయల్ రాజ్ పుత్ లకు మంచి పేరు దక్కింది.
ఈ సినిమా తరువాత వారికి వరుస అవకాశాలు వస్తున్నాయి. ఇప్పటికే నిర్మాతలకు భారీ లాభాలను మిగిల్చి రికార్డ్ క్రియేట్ చేసిన ఈ సినిమా ఇప్పుడు మరో రేర్ ఫీట్ ను అందుకుంది. జులై 12న విడుదలైన ఈ సినిమా ఈరోజుకి 50 రోజులు విజయవంతంగా పూర్తి చేసుకొని తన సత్తా చాటింది. ఇప్పటికీ రెండు తెలుగు రాష్ట్రాల్లో 26 థియేటర్లలో ఈ సినిమా ప్రదర్శింపబడుతోంది.
నైజాంలో రూ.5 కోట్ల షేర్ సాధించిన ఈ సినిమా ఇప్పటికీ ఆరు థియేటర్లలో రన్ అవుతోంది. అలానే సీడెడ్ లో 7 థియేటర్లు, ఆంధ్రప్రదేశ్ లో 13 థియేటర్లలో ప్రదర్శింపబడుతోంది. ఇప్పుడు ఈ సినిమాను తమిళ, హిందీ భాషల్లో రీమేక్ చేయడానికి సన్నాహాలు జరుగుతున్నాయి. తమిళంలో ఆది పినిశెట్టి ఈ సినిమాలో హీరోగా నటించనున్నాడు.
50days and still did not stop riding ..🙏🙏🙏🙏🙏deenni beat cheydanki ipud entha kashtapadalo 🙈 pic.twitter.com/5yGq1JxN0i
— Kartikeya (@ActorKartikeya) August 30, 2018
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
