సెల్వా రాఘవన్ దర్శకత్వంలో తెరకెక్కిన 7/G బృందావన కాలనీ 15 ఏళ్ల క్రితం ఎలాంటి సెన్సేషన్ ని క్రియేట్ చేసిందో స్పెషల్ గా చెప్పనవసరం లేదు. అసలు సినిమా ఆ రెంజ్ హిట్టవుతుందని ఎవరు ఊహించలేకపోయారు. అదే విధంగా అందులో నటించిన హీరో హీరోయిన్ రవి కృష్ణ - సోనియా లు ఒక్కసారిగా సౌత్ లో హాట్ టాపిక్ అయ్యారు. 

అయితే ఇప్పుడు అనుకోకుండా ఆ ఇద్దరు ఒక ఫొటోలో కనిపించడం అందరిని ఆకర్షించింది. ప్రస్తుతం అందుకు సంబందించిన ఫోటో వైరల్ గా మారింది. 2003లో 7జి బృందావన కాలనీ సినిమాలో కనిపించిన ఈ జోడి మళ్ళీ ఇన్నాళ్ళకి కనిపించడం బావుందని నెటిజన్స్ కామెంట్ చేస్తున్నారు. 

అయితే 7/G బృందావన కాలనీ తెలుగు తమిళ్ రెండు భాషల్లో భారీ విజయం అందుకున్నప్పటికీ ఈ ఇద్దరు(రవి కృష్ణ - సోనియా) సినీ ఇండస్ట్రీలో నిలదొక్కుకోలేకపోయారు. అదే వారి బెస్ట్ సినిమా.. ఆ తరువాత మరో విజయం కూడా రాలేదు. ఏదేమైనా వారి కెరీర్ లో అదొక మరచిపోలేని చిత్రం.