`గీతగోవిందం` హిట్ సెంటిమెంట్ రిపీట్ చేస్తున్న విజయ్ దేవరకొండ, రష్మిక.. హింట్ ఇచ్చిన నేషనల్ క్రష్
`గీతగోవిందం`, `డియర్ కామ్రేడ్` చిత్రాల్లో కలిసి నటించారు విజయ్ దేవరకొండ, రష్మిక మందన్నా. ఇప్పుడు మరోసారి కలిసి సందడి చేయబోతున్నారు. అదే చాలా `స్పెషల్` అంటోంది రష్మిక.
![rashmika mandanna in vijay deverakonda movie its special role or special song ? rashmika mandanna in vijay deverakonda movie its special role or special song ?](https://static-ai.asianetnews.com/images/01gp0443b363ag1drqm8j1dc3r/vijay-rashmika--2--jpg_363x203xt.jpg)
విజయ్ దేవరకొండ, రష్మిక మందన్నా కలిసి ఇప్పటికే `గీత గోవిందం`, `డియర్ కామ్రేడ్` చిత్రంలో నటించారు. తొలి చిత్రం బ్లాక్ బస్టర్ అయ్యింది. ఇద్దరిని స్టార్లని చేసింది. ఆ తర్వాత నటించిన `డియర్ కామ్రేడ్` మెప్పించలేదు. కానీ ఈ ఇద్దరి మధ్య ప్రేమకి కారణమైంది. ఆ తర్వాత ఈ ఇద్దరు తరచూ కలుసుకోవడం జరుగుతుంది. పండగలకు విజయ్ ఇంటికి రష్మిక వస్తుండటం విశేషం. ప్రస్తుతం ఈ జంట డీప్గా డేటింగ్లో ఉంది.
ఇదిలా ఉంటే ఇప్పుడు మరోసారి సినిమాలో కలిసి నటించబోతున్నారట. అయితే గౌతమ్ తిన్ననూరి మూవీలో శ్రీలీల స్థానంలో రష్మికని తీసుకుంటున్నారనే ప్రచారం జరిగింది. దీనిపై ఇప్పటి వరకు ఎలాంటి క్లారిటీ లేదు. ఇప్పుడు మరో సినిమాలో ఈ ఇద్దరు కలిసి కనిపించబోతున్నారు. ప్రస్తుతం విజయ్ దేవరకొండ.. `గీతగోవిందం` లాంటి హిట్ ఇచ్చిన పరశురామ్ దర్శకత్వంలో `ఫ్యామిలీ స్టార్` అనే సినిమా చేస్తున్నారు. శరవేగంగా ఈ మూవీ చిత్రీకరణ జరుపుకుంటుంది.
ఇందులో మృణాల్ ఠాకూర్ హీరోయిన్. అయితే ఆమెతోపాటు రష్మిక కూడా నటిస్తుందట. ఓ ప్రత్యేకమైన పాత్రలో రష్మిక కనిపించబోతుందని సమాచారం. ప్రస్తుతం ఈ మూవీ చిత్రీకరణ ఢిల్లీలో జరుగుతుంది. షూటింగ్ స్పాట్ నుంచి మృణాల్ ఠాకూర్ ఓ ఫోటోని సోషల్ మీడియా ద్వారా పంచుకున్నారు. ఫ్యామిలీ స్టార్ నైట్ షూట్ అంటూ తెలిపారు. అయితే రష్మిక మందన్నా కూడా అదే షూటింగ్ లొకేషన్ నుంచి ఓ ఫోటోని పోస్ట్ చేశారు. `ఢిల్లీ నైట్ షూట్కి అవసరమైనవి, సమ్థింగ్ స్పెషల్షూటింగ్ జరుగుతుంది. త్వరలో చెబుతా` అని పేర్కొంది.
ఈ రెండింటిని బట్టి చూస్తే `ఫ్యామిలీ స్టార్`లో రష్మిక స్పెషల్ రోల్లో కనిపించబోతుందని తెలుస్తుంది. అయితే నిజంగానే ఇది ప్రత్యేకమైన పాత్రనా లేక స్పెషల్ సాంగా? అనేది క్లారిటీ రావాల్సి ఉంది. ఈ మూవీని దిల్రాజు నిర్మిస్తున్నారు. సంక్రాంతికి `ఫ్యామిలీ స్టార్`ని విడుదల చేయాలని భావిస్తున్నారు.