Game Changer : కేవలం సాంగ్స్ కోసమే అన్నికోట్లా? శంకర్ మాములోడు కాదుగా..
క్రియేటివ్ డైరెక్టర్ శంకర్ - రామ్ చరణ్ కాంబోలో రూపుదిద్దుకుంటున్న చిత్రం ‘గేమ్ ఛేంజర్’. దిల్ రాజు నిర్మిస్తున్నారు. అయితే ఈ సినిమాలోని సాంగ్స్ కోసమే కోట్లల్లో ఖర్చు చేస్తున్నట్టు తెలుస్తోంది.
 )
Followతమిళ స్టార్ డైరెక్టర్ శంకర్ (Shankar) సినిమాలంటే ప్రేక్షకులు ఎంత ఆసక్తిగా ఎదురుచూస్తుంటారో తెలిసిందే. ఆయన సినిమాలకు మార్కెట్ లోనూ అదేస్థాయిలో డిమాండ్ ఉంటుంది. కొత్త అంశాలను తనదైన శైలిలో వెండితెరపై ప్రజెంట్ చేస్తుంటారు. ఇక శంకర్ సినిమా అంటే సాంగ్స్ కూడా అదే స్థాయిలో ఉంటాయి. వాటి చిత్రీకరణ కూడా చాలా గ్రాండ్ గా ఉంటుంది. ‘ఒకే ఒక్కడు’ నుంచి ‘రోబో’, ‘ఐ’ వంటి చిత్రాల వరకు సాంగ్స్ రిచ్ గా ఉండేలా చూశారు. భారీ సెట్స్ లో చిత్రీకరించి ప్రేక్షకులకు కొత్త ఎక్స్ పీరియెన్స్ ను అందించారు.
ఇక ప్రస్తుతం మెగా పవర్ స్టార్ రామ్ చరణ్ (Ram Charan)తో శంకర్ సినిమా చేస్తున్న విషయం తెలిసిందే. ‘గేమ్ ఛేంజర్’ టైటిల్ తో ప్రేక్షకుల ముందుకు రానుంది. ఇప్పటికే ఈ చిత్రం నుంచి వచ్చిన అప్డేట్స్, కొన్ని లీకైన వీడియోలతోనూ సినిమాపై భారీ అంచనాలు పెరిగాయి. సినిమాను ఎప్పుడెప్పుడు చూస్తామంటూ ఫ్యాన్స్, ఆడియెన్స్ ఎదురుచూస్తున్నారు. ప్రస్తుతం షూటింగ్ కాస్తా వాయిదా పడింది. ‘భారతీయుడు 2’ షూట్ పై శంకర్ ఫోకస్ పెట్టడంతో కొద్దిగా షూట్ పూర్తయ్యే సరికి ఇంకాస్తా సమయం పట్టనుంది.
చిత్రం గురించి ఇంట్రెస్టింగ్ న్యూస్ ఒకటి నెట్టింట వైరల్ గా మారింది. సినిమాలోని పాటల కోసమే రూ.90 కోట్లు ఖర్చు చేస్తున్నారని తెలుస్తోంది. గ్రాండియర్ గా, అద్భుతమైన విజువల్స్ తో సాంగ్స్ ను రూపొందిస్తున్నారంట. అంతపెద్ద మొత్తంలో ఖర్చు చేస్తున్నారంటే ఇంకా అవుట్ పుట్ ఏ రేంజ్ లో ఉంటుందో అర్థం చేసుకోవచ్చు. మరోవైపు శంకర్ ప్రొడ్యూసర్ దిల్ రాజును సాంగ్స్ కోసం ఒప్పించి మరీ అంతా ఖర్చు చేయిస్తున్నారని అంటున్నారు. దీంతో సినిమాపై మరింత ఆసక్తి పెరిగింది.
‘గేమ్ ఛేంజర్’లో మొత్తం ఐదు సాంగ్స్ ఉంటాయని సెన్సేషనల్ మ్యూజిక్ డైరెక్టర్ థమన్ గతంలోనే చెప్పిన విషయం తెలిసిందే. ప్రతి సాంగ్ నెక్ట్స్ లెవల్లో ఉంటుందని హామీనిచ్చారు. ప్రస్తుతం థమన్ ట్రెండే కొనసాగుతుండటంతో ఈ సినిమాకూ అదిరిపోయే ట్యూన్స్ ఇస్తారని మ్యూజిక్ లవర్స్ నమ్ముతున్నారు. అలాగే టాప్ కొరియోగ్రాఫర్లు ప్రభుదేవా, జానీ మాస్టర్, ప్రేమ్ రక్షిత్, గణేశ్ మాస్టర్స్ ఒక్కో సాంగ్ కు కొరియోగ్రఫీ అందించారని తెలుస్తోంది. దీంతో ఫ్యాన్స్ ఫుల్ ఖుషీ అవుతున్నారు.
ఈ చిత్రం పొలిటికల్ యాక్షన్ డ్రామాగా ప్రేక్షకుల ముందుకు రానుంది. శంకర్ దర్శకత్వం వహిస్తుండగా.. శ్రీ వెంకటేశ్వర క్రియేషన్స్ బ్యానర్ పై 50వ చిత్రంగా రూపుదిద్దుకుంటోంది. దిల్ రాజ్ నిర్మిస్తున్నారు. బాలీవుడ్ స్టార్ హీరోయిన్ కియారా కథానాయిక. అంజలి, ఎస్ జే సూర్య, సునిల్, సముద్రఖని, నవీన్ చంద్ర, నాజర్ కీలక పాత్రలు పోషిస్తున్నారు. వచ్చే ఏడాది చిత్రం ప్రేక్షకుల ముందుకు రానుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
