అర్జున్ దాస్ వాయిస్ తో OG గ్లింప్స్.. 72 సెకన్లు ఫ్యాన్స్ కు పూనకాలే?
పవన్ కళ్యాణ్ - సుజీత్ కాంబోలోని OG మూవీ నుంచి ఫస్ట్ లుక్, పవర్ ఫుల్ గ్లింప్స్ రాబోతున్నాయి. ఈ సందర్భంగా గ్లింప్స్ కు సంబంధించి ఇంట్రెస్టింగ్ డిటేయిల్స్ అందాయి. అభిమానులకు ఫుల్ కిక్కిచేలా అప్డేట్ రాబోతోంది.
 )
Followటాలీవుడ్ లో మోస్ట్ అవైటెడ్ ఫిల్మ్స్ లలో పవర్ స్టార్ పవన్ కళ్యాణ్ (Pawan Kalyan) - సుజీత్ కాంబోలో రూపుదిద్దుకుంటున్న ‘ఓజీ’ ఒకటి. యంగ్ అండ్ సెన్సేషనల్ డైరెక్టర్ సుజీత్ (Sujeeth) ‘సాహో’ తర్వాత తెరకెక్కిస్తున్న చిత్రమిది. గ్యాంగ్ స్టర్ బ్యాక్ డ్రాప్ లో పవన్ ను పవర్ ఫుల్ గా చూపించబోతున్నారు. ఈ యాక్షన్ థ్రిల్లర్ మూవీపై అభిమానులతో పాటు సాధారణ ఆడియెన్స్ లో నూ భారీ అంచనాలు నెలకొని ఉన్నాయి. డీవీవీ దానయ్య నిర్మాతగా ఈ చిత్రాన్నిభారీ ఎత్తున నిర్మిస్తున్నారు. ఇప్పటికే పలు షెడ్యూళ్లను జరుపుకున్న ఈ చిత్రం నెక్ట్స్ షెడ్యూల్ ను థాయిలాండ్ లో నిర్వహించనుంది. త్వరలో యూనిట్ ఆ దేశానికి వెళ్లనుంది.
ఓజీ గురించి తరుచూగా ఇంట్రెస్టింగ్ అప్డేట్స్ అందుతూనే ఉన్నాయి. ఈ క్రమంలో తాజాగా గ్లింప్స్ పై అదిరిపోయే న్యూస్ అందింది. వపన్ కళ్యాణ్ పుట్టిన రోజు సందర్భంగా ఈ చిత్రం నుంచి ఫస్ట్ లుక్ తో పాటు పవర్ ఫుల్ గ్లింప్స్ ను కూడా విడుదల చేసేందుకు యూనిట్ రెడీగా ఉన్నట్టు తెలుస్తోంది. ఈ క్రమంలో గ్లింప్స్ పై ఇంట్రెస్టింగ్ అప్డేట్స్ వైరల్ గా మారింది. తమిళ నటుడు అర్జున్ దాస్ (Arjun Das) ఈ సినిమాతోనే తెలుగు ప్రేక్షకులకు పరిచయం కాబోతున్న విషయం తెలిసిందే. ‘మాస్టర్’; ‘ఖైదీ’, ‘విక్రమ్’ చిత్రాలతో ఈయన బాగా పాపులర్ అయ్యారు. నటనతో పాటు బేస్ వాయిస్ ను కలిగి ఉండటంతో ప్రత్యేకమైన గుర్తింపు దక్కించుకున్నారు.
‘విక్రమ్’లో రోలెక్స్ కు వాయిస్ ఓవర్ ఇచ్చింది అర్జున్ దాస్ నే. ఆయన గంభీరమైన గొంతుకు ప్రేక్షకులు ఫిదా అయ్యారు. ఇక అర్జున్ దాస్ వాయిస్ తోనే OG Glimpse ను రెడీ చేస్తున్నారంట. గ్లింప్స్ 72 సెకండ్ల పాటు ఉంటుందని తెలుస్తోంది. పూర్తిగా అర్జున్ దాస్ వాయిస్ వినిపించబోతుందని అంటున్నారు. దీంతో ఫ్యాన్స్ మరింత ఎగ్జైట్ గా ఫీలవుతున్నారు. సెప్టెంబర్ 2న ఈ గ్లింప్స్ ను విడుదల చేయబోతున్నారు. మరోవైపు అదే రోజున పవన్ కళ్యాణ్ కెరీర్ లో ప్రత్యేకంగా నిలిచిన ‘గుడుంబా శంకర్’ కూడా రిలీజ్ కాబోతోంది.
ఇక OG షూటింగ్ నెక్ట్స్ మంథ్ లో ప్రారంభం కానుందని తెలుస్తోంది. లాంగ్ షెడ్యూల్ ను యూనిట్ పూర్తి చేయనుందంట. ఆ తర్వాత మరొక్క షెడ్యూల్ తో పవన్ కళ్యాణ్ షూటింగ్ పార్ట్ పూర్తి కానుందని తెలుస్తోంది. ఈ చిత్రంలో పవన్ ఓజాస్ గంభీరా అనే గ్యాంగ్ స్టర్ పాత్రలో నటిస్తున్నారు. 1950ల బ్యాక్‍డ్రాప్‍లో రూపొందుతోందని ప్రచారం. చిత్రంలో హీరోయిన్ గా ప్రియాంక అరుళ్ మోహన్ (Priyanka Arul Mohan) నటిస్తోంది. తమిళ నటుడు అర్జున్ దాస్, బాలీవుడ్ స్టార్ ఇమ్రాన్ హష్మిన్, శ్రియా రెడ్డి తదితరులు కీలక పాత్రలు పోషిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
