`భీమ్లా నాయక్` నుంచి దసరా ట్రీట్.. సెకండ్ సింగిల్.. కొత్త పోస్టర్ అదిరింది
`భీమ్లా నాయక్` చిత్రానికి సంబంధించిన రెండో పాటని విడుదల చేయబోతున్నారు. దసరా కానుకగా సెకండ్ సింగిల్ని విడుదల చేయబోతున్నామని వెల్లడించారు. ఈ మేరకు కొత్తగా ఓ పోస్టర్ని పంచుకున్నారు.
పవన్ కళ్యాణ్, రానాలు కలిసి నటిస్తున్న `భీమ్లా నాయక్`కి సంబంధించి మరో అప్ డేట్ ఇచ్చింది యూనిట్. ఈ సినిమాకి సంబంధించి ప్రారంభం నుంచి ఏదో ఒక విషయాన్ని పంచుకుంటూ చిత్ర బృందం వార్తల్లో నిలుపుతున్న విషయం తెలిసిందే. ఈ నేపథ్యంలో తాజాగా మరో అప్డేట్ ఇచ్చారు. ఈ సినిమాకి సంబంధించిన రెండో పాటని విడుదల చేయబోతున్నారు. దసరా కానుకగా ఈ నెల 15న సెకండ్ సింగిల్ని విడుదల చేయబోతున్నామని వెల్లడించారు. ఈ మేరకు కొత్తగా ఓ పోస్టర్ని పంచుకున్నారు.
`అంతా ఇష్టం.. ` అనే సాంగ్ని విజయదశమి రోజుని రిలీజ్ చేయబోతున్నట్టు ప్రకటించారు. ఈ పోస్టర్లో నిత్యా మీనన్, pawan kalyan ఉండటం విశేషం. వీరిద్దరి మధ్య వచ్చే లవ్ సాంగ్గా ఈ రెండో సింగిల్ ఉండబోతుందని తెలుస్తుంది. ఇక ఈ చిత్రంలో పవన్ కళ్యాణ్, రానా దగ్గుబాటి హీరోలుగా నటిస్తున్నారు. పవన్ సరసన నిత్యా మీనన్ నటిస్తుంది. మరోవైపు రానా సరసన సంయుక్త మీనన్ నటిస్తున్నారు.
సాగర్ కె చంద్ర దర్శకత్వంలో రూపొందుతున్న bheemla nayak చిత్రానికి మాటల మాంత్రికుడు త్రివిక్రమ్ మాటలు, కథనం అందిస్తున్నారు. థమన్ సంగీతం అందిస్తున్నారు. సితార ఎంటర్టైన్మెంట్స్ పతాకంపై సూర్యదేవర నాగవంశీ నిర్మిస్తున్నారు. ఈ చిత్రాన్ని సంక్రాంతి కానుకగా జనవరి 12న విడుదల చేయబోతున్నారు.
related news: భీమ్లా నాయక్ అప్డేట్: పవన్ కాదు... నేనే హీరో అంటున్న రానా
ఇప్పటికే ఈ చిత్రానికి సంబంధించి భీమ్లా నాయక్ పాత్రలో నటిస్తున్న పవన్ కళ్యాణ్ పోస్టర్లు, టీజర్ ఆద్యంతం ఆకట్టుకుంది. సంచలనం క్రియేట్ చేసింది. అలాగే `భీమ్లా నాయక్` టైటిల్ సాంగ్కి సైతం భారీ స్పందన వచ్చింది. మరోవైపు rana నటిస్తున్న డేనియర్ శేఖర్ పాత్ర గ్లింప్స్ విడుదలై ఆకట్టుకుంది. తాను ధర్మేంద్ర.. హీరో అంటూ రానా చెప్పే డైలాగులు ఆయన పాత్ర యాటిట్యూడ్ని ప్రతిబింబిస్తుంది. ఈగోలు దెబ్బతిన్న ఇద్దరి మధ్య నెలకొన్న సంఘర్షణ, ఘర్షణ నేపథ్యంలో ఈ చిత్రం సాగుతుంది. ఇది మలయాళంలో సక్సెస్ సాధించిన `అయ్యప్పనుమ్ కోషియుమ్` చిత్రానికి రీమేక్ అనే విషయం తెలిసిందే.