రిలీజ్ అయ్యి నేలరోజులు కూడా కాలేదు.. పైగా పవర్ స్టార్ మూవీ.. అప్పుడే ఓటీటీలో రిలీజ్ కాబోతున్నట్టు ప్రచారం జరుగుతోంది. ఇంతకీ బ్రోమూవీ ఓటీటీ స్ట్రీమింగ్ ఎప్పుడు..?
పవర్ స్టార్ పవన్ కళ్యాణ్.. మెగా మేనల్లుడు సాయి ధరమ్ తేజ్ కాంబినేషన్ లో తెరకెక్కిన సినిమా బ్రో. సముద్ర ఖని డైరెక్షన్ లో తెరకెక్కిన ఈసినిమా జులై 28న రిలీజ్ అయి హిట్ టాక్ మాత్రం తెచ్చుకుంది. తమిళంలో ఇదే సముద్రఖనిడైరెక్ట్ చేసిన వినోదయ సితం సినిమాకు తెలుగు రీమేక్ గా రూపొందింది మూవీ కేతిక శర్మ, ప్రియా వారియర్.. హీరోయిన్లుగా.. బాలీవుడ్ బ్యూటీ ఊర్వశీ రౌతేలా స్పెషల్ సాంగ్ చేసిన ఈమూవీలో.. తనికెళ్ళ భరణి, అలీ రాజా, వెన్నెల కిషోర్, బ్రహ్మానందం, రోహిణి ముఖ్య పాత్రల్లో నటించారు.
ఇక బ్రో సినిమా పై ఎన్నో వివాదాలు.. రాజకీయాలు..ఎన్నో ఉద్రిక్తల మధ్య రిలీజ్ అయ్యి..హిట్ టాక్ తెచ్చుకున్నాఈసినిమా కలెక్షన్ల పై కూడా పుకార్లు షికారు చేశాయి. గ్రాస్ పరంగా ఇప్పటికి 130 కోట్ల వరకు కలెక్షన్స్ అంటే..శేర్ పరంగా 65 కోట్ల వరకు సాధించింది బ్రో. అయితే అవన్నీ ఫేక్ కలెక్షన్స్ అంటూ.. ఓ వర్గం గట్టిగా ప్రచారం మొదలెట్టింది. ఏది ఏమైనా.. బ్రో మూవీ థియేటర్ రన్ ముగిసింది. అటు రజనీకాంత్ జైలర్.. ఇటు మెగాస్టార్ భోళా శంకర్ సినినిమాలు ఒక్క రోజు గ్యాప్ తో ఎంటర్ అవ్వడంతో.. ఆల్ మోస్ట్ అన్ని థియేటర్లలో బ్రో ను పక్కన పెట్టేశారు. దాంతో బ్రో మూవీ బిజినెస్ ఇక అయిపోయినట్టే అంటున్నారు.
ఇక ఈసినిమా థియేటర్ రన్ అయిపోయింది.. ఇక ఓటీటీ స్ట్రీమింగ్ ఎప్పుడు అంటూ ఆడియన్స్ లో డిస్కర్షన్ స్టార్ట్ అయ్యింది. చాలా మంది ఈసినిమాను ఓటీటీలో చూడటానికి ఉవ్విళ్లూరుతున్నారు. ఎప్పుడెప్పుడు ఓటీటీలో రిలీజ్ అవుతుందా అని ఎదురు చూస్తున్నారు. ఈక్రమంలో అలాంటి వారికోసం ఓ గుడ్ న్యూస్ నెట్టింట్ల గట్టిగా వినిపిస్తుంది. ఈనెలలోనే బ్రో మూవీ డిజిటల్ ప్లాట్ ఫామ్ ఎక్కుతుంది అంటూ ప్రచారం గట్టిగా జరుగుతోంది.
తాజాగా బ్రో సినిమా ఓటీటీ అప్డేట్ వచ్చింది. బ్రో సినిమా ఆగస్టు 25 లేదా 26న ఓటీటీ ప్లాట్ ఫామ్ మీదకు ఎక్కించబోతున్నారు. అది కూడా జీ5 ఓటీటీలోకి వచ్చే అవకాశం ఉందని సమాచారం. అయితే అధికారికంగా మాత్రం ఇంత వరకూ ఈ విషయం ప్రకటించలేదు. కాని నెట్టింట్ మాత్రం ఇదే ప్రచారం గట్టిగా జరుగుతోంది. బ్రో సినిమాను వరలక్ష్మి వ్రతం శ్రావణ శుక్రవారం నాడు ఆగస్టు 25న జీ5 ఓటీటీలోకి వస్తుందని అంటున్నారు. త్వరలోనే దీనిపై త్వరలోనే అఫీషియల్ గా కూడా అనౌన్స్ మెంట్ రాబోతున్నట్టు తెలస్తోంది. ఇక జీతో పాటుగా.. అమెజాన్ ప్రైమ్ లో కూడా బ్రో సినిమా స్ట్రీమింగ్ కాబోతున్నట్టు సమాచారం.
