వెంకటేష్‌, వరుణ్‌ తేజ్‌ కలిసి నటించిన `ఎఫ్‌ 3` మూవీ లోని పార్టీ సాంగ్‌ విడుదలైంది. ఇందులో పూజా హెగ్డేతో కలిసి వీరిద్దరు చేసే రచ్చ హైలైట్‌గా నిలిచింది.

`వెంకీమామ` వెంకటేష్‌, వరుణ్‌ తేజ్‌ రచ్చ రచ్చ చేశారు. పూజా హెగ్డేతో కలిసి నానా రచ్చ చేశారు. స్టేజ్‌పై బుట్టబొమ్మతో కలిసి పార్టీలో దుమ్ములేపారు. దీంతో ఇప్పుడిది ట్రెండ్‌ అవుతుంది. ఆ విశేషాలు చూస్తే, వెంకటేష్‌, వరుణ్‌ కలిసి `ఎఫ్‌ 3` సినిమాలో నటించిన విషయం తెలిసిందే. ఇది మూడేళ్ల క్రితం వచ్చిన `ఎఫ్‌2` సినిమాకి సీక్వెల్‌. అనిల్‌ రావిపూడి దర్శకత్వం వహించిన `ఎఫ్‌3` చిత్రంలో తమన్నా, మెహరీన్‌ కథానాయికలుగా నటిస్తున్నారు. సోనాల్‌ చౌహాన్‌ మరో కీలక పాత్రలో మెరవబోతుంది. దీంతోపాటు సునీల్‌ కూడా కూడా ఓ కీ రోల్‌ పోషిస్తున్నారు. 

అయితే ఈ చిత్రంలో పార్టీ సాంగ్‌ పేరుతో ఓ స్పెషల్‌ సాంగ్‌ని పెట్టారు దర్శకుడు అనిల్‌ రావిపూడి. బుట్టబొమ్మ పూజా హెగ్డేతో ఈ పార్టీ సాంగ్‌ చేయించారు. `లైఫ్‌ అంటే ఇట్లా ఉండాలా` అంటూ సాగే ఈ పార్టీ సాంగ్‌ ప్రోమోని విడుదల చేశారు. సోమవారం ఉదయం ఈ సాంగ్‌ ప్రోమోని విడుదల చేయగా, ఇందులో పూజా హెగ్డేతో కలిసి వెంకీ, వరుణ్‌ చేసిన రచ్చ అంతా ఇంతా కాదు. హైలైట్‌ గా నిలుస్తుంది. పూజా హాట్‌ స్టెప్పులకు, వెంకీ, వరుణ్‌ మాస్‌ స్టెప్పులు ఉర్రూతలూగిస్తున్నాయి. జస్ట్ ప్రోమోనే ఈ రేంజ్‌లో ఉంటే ఇక ఫుల్‌ సాంగ్‌ ఇంకే రేంజ్‌లో ఉంటుందో అర్థం చేసుకోవచ్చు. 

ప్రస్తుతం ఈ పాట ప్రోమో సోషల్‌ మీడియాలో ట్రెండ్‌ అవుతుంది. విశేషంగా ఆకట్టుకుంటుంది. ఈ పాట పూర్తి లిరికల్‌ సాంగ్‌ని రేపు(మే 17)న విడుదల చేయనున్నారు. `రంగస్థలం` తర్వాత పూజా హెగ్డే చేస్తున్న స్పెషల్‌ సాంగ్‌ ఇది కావడం విశేషం. ఇక దిల్‌రాజు నిర్మిస్తున్న `ఎఫ్‌ 3` చిత్రాన్ని ఈ నెల 27న విడుదల చేయబోతున్నారు.