Asianet News TeluguAsianet News Telugu

నాగబాబు సంచలన నిర్ణయం.. `మా` సభ్యత్వానికి రాజీనామా..

తాజాగా వెలువడిన ఫలితాల్లో ప్రకాష్‌ రాజ్‌ పరాజయం చెందారు. మెగా ఫ్యామిలీ సపోర్ట్ ప్రకాష్‌రాజ్‌ ప్యానెల్‌కి ఉందని ఆయన తెలిపిన నేపథ్యంలో ఇప్పుడు పరాజయం చెందడంతో మనస్థాపం చెంది రాజీనామా నిర్ణయం తీసుకున్నట్టు తెలుస్తుంది. 

nagababu shocking decision his resignation to maa association
Author
Hyderabad, First Published Oct 10, 2021, 11:13 PM IST
  • Facebook
  • Twitter
  • Whatsapp

మెగా బ్రదర్‌ సంచలన నిర్ణయం తీసుకున్నారు. ఆయన `మా` ప్రాథమిక రాజీనామా చేస్తున్నట్టు ప్రకటించారు. తాజాగా జరిగిన `మా` ఎన్నికల్లో ఆయన ప్రకాష్‌రాజ్‌ ప్యానెల్‌కి సపోర్ట్ చేసిన విషయం తెలిసిందే. తాజాగా వెలువడిన ఫలితాల్లో ప్రకాష్‌ రాజ్‌ పరాజయం చెందారు. మెగా ఫ్యామిలీ సపోర్ట్ ప్రకాష్‌రాజ్‌ ప్యానెల్‌కి ఉందని ఆయన తెలిపిన నేపథ్యంలో ఇప్పుడు పరాజయం చెందడంతో మనస్థాపం చెంది రాజీనామా నిర్ణయం తీసుకున్నట్టు తెలుస్తుంది. 

నాగబాబు సోషల్‌ మీడియా ద్వారా రాజీనామాని ప్రకటించారు. `ప్రాంతీయ వాదం, సంకుచిత మనస్తత్వంతో కొట్టు, మిట్టులాడుతున్న మూవీ ఆర్టిస్ట్ అసోసియేసన్‌లో కొనసాగడం నాకు ఇష్టం లేక, `మా` అసోసియేసన్‌ లో నా ప్రాథమిక సభ్యత్వానికి రాజీనామా చేస్తున్నా. సెలవు` అని పేర్కొన్నారు నాగబాబు. తన రాజీనామాని 48 గంటల్లో తన స్టాఫ్‌ మా అసోసియేషన్‌కి పంపిస్తారని వెల్లడించారు. 

also read: చిన్న పదవి కోసం లోకువ అవుతారా.. మీడియాకు మాత్రం ఆహారం కావొద్దు: ‘‘మా’’ పరిణామాలపై చిరు హాట్‌ కామెంట్స్

ఈ సందర్భంగా ఆయన ఇంకా చెబుతూ, ఇది నేను ఎంతోగానో ఆలోచించి, ప్రలోభాలకు అతీతంగా నా పూర్తి చిత్తశుద్దితో తీసుకున్నా నిర్ణయం` అని తెలిపారు నాగబాబు. ఈ సందర్భంగా ఫేస్‌ బుక్ లో ఆయన ఓ ఫోటోని పంచుకున్నారు. ఇందులో అందరు ఓ వైపు వెళ్తుంటే, ఒకరు మరో దారి వెళ్తున్నారు. `మా` సభ్యుల వెళ్తున్న దారిని, అదే సమయంలో `మా` రెండుగా చీలిన విధానాన్ని ఆవిష్కరించేలా ఆ ఫోటో ఉండటం విశేషం. 

ఇక ఆదివారం జరిగిన ఎన్నికల్లో మంచు విష్ణు 107 ఓట్ల మెజార్జీతో విజయం సాధించిన విషయం తెలిసిందే. ప్రకాష్‌ రాజ్‌పై ఆయన గెలుపొందారు. అయితే ఇందులో ప్రకాష్‌ రాజ్‌ ప్యానెల్‌ తరఫున ఆయన అధ్యక్షుడిగా ఓడిపోయినా, ఆయన ప్యానెల్‌ నుంచి 11 మంది ఈసీ మెంబర్స్ గెలిచినట్టు తెలుస్తుంది. దీనికి సంబంధించిన పూర్తి ఫలితం రేపు ప్రకటించనున్నారు. 

Follow Us:
Download App:
  • android
  • ios