డాషింగ్ డైరెక్టర్ పూరీ జగన్నాథ్, ఎనర్జిటిక్ హీరో రామ్ తో కలిసి‘ఇస్మార్ట్ శంకర్’ సినిమాని తెరకెక్కిస్తున్న సంగతి తెలిసిందే. ఇప్పటికే సినిమా షూటింగ్ కూడా ఇటీవలే మొదలైంది. కాగా.. ఈ సినిమాకి ఇప్పుడు హీరోయిన్ దొరికిందట.

ఫస్ట్ ఈ సినిమాలో హీరోయిన్ గా అను ఇమ్మాన్యుయేల్ నటిస్తోందంటూ వార్తలు వచ్చాయి. అయితే.. ఇప్పుడు అను ప్లేస్ లోకి మరో క్రేజీ హీరోయిన్ అడుగుపెట్టింది. ‘ నన్నో దోచుకుందువటే’’ సినిమాలో తన నటతో ఆకట్టుకున్న నభా నటేష్ ఈ సినిమాలో రామ్ తో రొమాన్స్ చేయనుంది. చాలా మంది హీరోయిన్లను పరిశీలించిన పూరీ.. చిట్టచివరకు నభా నటేష్ ని ఫైనల్ చేశాడట.

ఇక ఈ చిత్రంలో రామ్ న్యూ లుక్ లో కనిపించనున్నాడు. ఈ సినిమాకి మణిశర్మ సంగీతం అందించనుండగా ‘అర్జున్ రెడ్డి’ ఫేమ్ రాజ్ తోట సినిమాటోగ్రఫీని అందించనున్నారు. పక్కా యాక్షన్ ఎంటర్టైనెర్ గా తెరకెక్కనున్న ఈ చిత్రాన్ని పూరి, ఛార్మి సంయుక్తంగా నిర్మిస్తున్నారు. ఈ ఏడాది ‘మే’లో ఈ చిత్రాన్ని విడుదల చెయ్యాలని దర్శకనిర్మాతలు భావిస్తున్నారు.