సూపర్ స్టార్ మహేష్ బాబు ప్రస్తుతం అనీల్ రావిపూడి దర్శకత్వంలో 'సరిలేరు నీకెవ్వరు' సినిమాలో నటిస్తున్నాడు. ఇటీవలే సినిమా రెగ్యులర్ షూటింగ్ మొదలైంది. ఈ షూటింగ్ లో మహేష్ బాబు కూడా జాయిన్ అయ్యాడు.

ఈ సినిమాలో మహేష్ ఆర్మీ ఆఫీసర్ పాత్ర పోషిస్తున్నాడు. అయితే ఆ గెటప్ లో మహేష్ ఎలా ఉంటాడో చూడాలనే ఆసక్తి అభిమానుల్లో కలుగుతోంది. ఇప్పుడు ఆ గెటప్ కి సంబంధించి  ఓ ఫోటో లీక్ అయింది. షూటింగ్ లొకేషన్ లో మహేష్ మిలిటరీ దుస్తులు ధరించి తన తోటి ఉద్యోగులతో ఏదో చర్చిస్తున్నట్లుగా కనిపిస్తున్నాడు. 

ఈ ఫోటోలో మహేష్ పక్కన రాజేంద్రప్రసాద్ కూడా కనిపిస్తున్నాడు. ప్రస్తుతం ఈ ఫోటో సోషల్ మీడియాలో వైరల్ అవుతోంది. ఈ సినిమాలో మహేష్ పక్కన హీరోయిన్ గా రష్మిక మందన్నా కనిపించనుంది. 

సీనియర్ నటి విజయశాంతి ఈ సినిమాతో ఇండస్ట్రీలోకి రీఎంట్రీ ఇవ్వబోతుంది. దేవిశ్రీప్రసాద్ సంగీతం అందిస్తోన్న ఈ సినిమాను దిల్ రాజు, అనీల్ సుంకర సంయుక్తంగా నిర్మిస్తున్నారు. వచ్చే ఏడాది సంక్రాంతి కానుకగా సినిమాను రిలీజ్ చేయడానికి సన్నాహాలు చేస్తున్నారు.