‘ఇండియన్ -2’తో చివరిసారిగా బిగ్ స్క్రీన్ పై కమెడియన్ వివేక్? ఆ సీన్స్ తొలగింపు లేదంట!
దివంగత, ప్రముఖ తమిళ నటుడు వివేక్ గుండెపోటుతో కన్నుమూసిన విషయం తెలిసిందే. అయితే ఆయన చివరిగా శంకర్ దర్శకత్వంలోని ‘ఇండియన్2’లో నటించారు. తాజాగా సినిమాపై ఓ ఇంట్రెస్టింగ్ న్యూస్ వినిపిస్తోంది.
 )
Followదివంగత, ప్రముఖ తమిళ నటుడు వివేక్ (Vivek) సినిమా ఇండస్ట్రీలో కమెడియన్ గా తనదైన ముద్ర వేసుకున్నారు. ఆయన శ్రమకు కేంద్ర ప్రభుత్వం 2009లో ప్రతిష్టాత్మకమైన పద్మశ్రీ అవార్డు కూడా దక్కింది. అలాగే డాక్టరేట్ నూ సొంతం చేసుకున్నారు. 300కు పైగా చిత్రాల్లో నటించిన వివేక్ 2021 ఏప్రిల్ 17న గుండెపోటుతో మరణించడం సినీ ఇండస్ట్రీని ఉలిక్కి పడేలా చేసింది. ఆయన మరణ వార్తను సినీ ప్రముఖులు జీర్ణించుకోలేకపోయారు.
అయితే, వివేక్ మరణించే సమయానికి ఆయన నటించిన కొన్ని సినిమాలు విడుదల కాలేదు. అందులో ‘ఇండియన్ 2’ ఒకటి. క్రియేటివ్ డైరెక్టర్ శంకర్ దర్శకత్వం వహిస్తున్న విషయం తెలిసిందే. 2017లో ప్రకటించిన ఈ చిత్రాన్ని 2019లో సెట్స్ మీదకు తీసుకెళ్లారు. కొద్దినెలలు షూటింగ్ సజావుగానే సాగింది. కానీ 2020లో సెట్ లో జరిగిన ప్రమాదంతో పలువురు కన్నుమూశారు. దీంతో సినిమా ఆగిపోవాల్సి వచ్చింది. మళ్లీ 2022 ఆగస్టులో తిరిగి షూటింగ్ ప్రారంభించారు. ప్రస్తుతం షూటింగ్ శరవేగంగా కొనసాగుతోంది. ఈ క్రమంలో సినిమాపై ఇంట్రెస్టింగ్ బజ్ వినిపిస్తోంది.
వివేక్ Indian 2 చిత్రంలో ఓ కీలక పాత్ర పోషించారు. అయితే షూటింగ్ పూర్తి కాకముందే కన్నుమూశారు. దీంతో వివేక్ సీన్స్‌ను రీప్లేస్ చేస్తారని ఆయన మరణానంతరం ప్రచారం జరిగింది. అయితే, తాజా బజ్ ప్రకారం.. సినిమాలో అతని పోర్షన్‌లు అలాగే ఉంటాయని, తొలగించబోరని తెలుస్తోంది. ఈమేరకు కోలీవుడ్ వర్గాలు వార్తలు వస్తున్నాాయి. దీంతో ఆయన కుటుంబికులు, అభిమానులు, స్నేహితులకు ఇది గుడ్ న్యూస్ అనే చెప్పాలి. చివరిసారిగా వెండితెరపై వివేక్ ను చూసే అవకాశం రానుంది. ఎంతోమంది స్టార్ హీరోలతో స్కీన్ షేర్ చేసుకున్న వివేక్ లోకనాయకుడు కమల్ హాసన్ (Kamal Haasan) సినిమాలో నటించడం డ్రీమ్ గా తెలుస్తోంది. ఇక వివేక్ పాత్ర ఎలా ఉండబోతోంది... ఎవరు డబ్బింగ్ చెప్పబోతారనేది చూడాలి.
శంకర్ - కమల్ హాసన్ కాంబినేషన్ లో 1996లో వచ్చిన ‘భారతీయుడు’ చిత్రానికి సీక్వెల్ ఇది. కమల్ హాసన్ తన సామాజిక బాధ్యత గల సేనాపతి పాత్రలో మళ్లీ ‘ఇండియన్ 2’తో అలరించనున్నాడు. చిత్రంలో స్టార్ హీరోయిన్ కాజల్ అగర్వాల్, సముద్రఖని, సిద్ధార్థ్, బాబీ సింహా, ప్రియా భవానీ శంకర్, రకుల్ ప్రీత్ సింగ్, రోబో శంకర్ కీలక పాత్రల్లో అలరించబోతున్నారు. రాక్ స్టార్ అనిరుధ్ రవిచంద్రన్ సంగీతం అందిస్తున్న ఈ సినిమా షూటింగ్ చెన్నైలోని ఫిల్మ్ సిటీలో శరవేగంగా సాగుతోంది. మరోవైపు శంకర్ రామ్ చరణ్ తో ‘ఆర్సీ15’నూ తెరకెక్కిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
