పాన్ ఇండియన్ స్టార్ ప్రభాస్ - డైరెక్టర్ ప్రశాంత్ నీల్ కాంబినేషన్ లో వస్తున్న భారీ యాక్షన్ ఫిల్మ్ ‘సలార్’. శరవేగంగా షూటింగ్ జరుపుకుంటున్న ఈ మూవీ నెక్ట్స్ షెడ్యూల్ డిటేయిల్స్ ఇంట్రెస్టింగ్ గా ఉన్నాయి.
‘కేజీఎఫ్’ దర్శకుడు ప్రశాంత్ నీల్ (Prashanth Neel) - రెబల్ స్టార్ ప్రభాస్ కాంబినేషన్ లో రూపుదిద్దుకుంటున్న భారీ యాక్షన్ మూవీ ‘సలార్’. శరవేగంగా షూటింగ్ జరుపుకుంటున్న చిత్రం ఎక్కడా డిలే లేకుండా కొనసాగుతోంది. ఇప్పటికే పలు షెడ్యూళ్లను పూర్తి చేసుకున్న ఈ చిత్రం సగానికిపైగా చిత్రీకరణ పూర్తి చేసుకున్నట్టు తెలుస్తోంది. గతంలోనే ప్రశాంత్ నీల్ 35 శాతం షూటింగ్ పూర్తయిందని తెలిపారు. ఈ అప్డేట్ తర్వాత మరిన్ని షెడ్యూళ్లను సక్సెస్ ఫుల్ గా ఫినిష్ చేశారు. త్వరలో మరో ఇంపార్టెంట్ షెడ్యూల్ ప్రారంభం కాబోతోంది.
ప్రస్తుతం ప్రభాస్ ‘ప్రాజెక్ట్ కే’ సెట్స్ లో ఉన్నారు. తర్వలోనే Salaar తదుపరి షెడ్యూల్ ప్రారంభం కానుంది. ఈ క్రమంలో ఇంట్రెస్టింగ్ డిటేయిల్స్ కొన్ని వినిపిస్తున్నాయి. సలార్ నెక్ట్స్ షెడ్యూల్ తో ప్రభాస్ షూటింగ్ పార్ట్ పూర్తి కానున్నట్టు తెలుస్తోంది. అలాగే టాకీ పార్ట్ కూడా ఈ షెడ్యూల్ లోనే పూర్తయ్యేట్టు ప్లాన్ చేశారంట. అంతేకాకుండా ఓ భారీ లోయలో ప్రభాస్ యాక్షన్ సీక్వెన్స్ ను కూడా షూట్ చేస్తారంట. ఈ షెడ్యూల్ లో చిత్రీకరించే సన్నవేశాలు సినిమాకు హైలెట్ గా నిలుస్తాయని తెలుస్తోంది.
కేజీఎఫ్ తో సెన్సేషన్ క్రియేట్ చేసిన తర్వాత ప్రభాస్ - ప్రశాంత్ నీల్ కాంబినేషన్ లో సినిమా ఒకే చేసిన విషయం తెలిసిందే. అప్పటి నుంచే సినిమాపై భారీ అంచనాలు నెలకొన్నాయి. ప్రస్తుతం అందుతున్న సమాచారంతో మరింతగా పెరుగుతున్నాయి. ఇప్పటికే అభిమానులు ఈ యాక్షన్ వండర్స్ ను ఎంజాయ్ చేసేందుకు ఆసక్తిగా ఎదురుచూస్తున్నారు. అటు ప్రభాస్ కూడా ఎక్కడా డిలే కాకుండా ఇటు సలార్.. అటు Project K షూటింగ్ ను పూర్తి చేస్తున్నారు.
చిత్రంలో ప్రభాస్ కు జోడీగా హీరోయిన్ శ్రుతిహాసన్ (Shruthi Haasan) ఆడిపాడనుంది. మలయాళం యాక్టర్ పృథ్వీరాజ్ సుకుమారన్ కూడా ఓ కీలక పాత్రలో నటిస్తున్నారు. శ్రద్ద కపూర్తోనూ ప్రశాంత్ నీల్ ఓ స్పెషల్ సాంగ్ చేయిస్తున్నట్టు టాక్. ఓ కీలక సన్నివేశంలో యష్ కూడా కనిపించబోతున్నాడని తెలుస్తోంది. దీంతో సినిమాపై రోజురోజుకూ అంచనాలు పెరిగిపోతున్నాయి. హోంబలే ఫిలిమ్స్ బ్యానర్ పై నిర్మాత విజయ్ కిరగందూర్ రూ.200 కోట్లతో చిత్రాన్ని నిర్మిస్తున్నారు. కేజీఎఫ్ మ్యూజిక్ డైరెక్టర్ రవి బస్రూర్ సంగీతం అందిస్తున్నారు.
