టాలీవుడ్ దిగ్గజ దర్శకులలో రాఘవేంద్రరావు ఒకరు. స్టార్ హీరోలతో కలసి తెలుగు ప్రేక్షకులకు రాఘవేంద్రరావు అద్భుతమైన చిత్రాలు అందించారు. రాఘవేంద్రరావు వారసుడిగా ఆయన తనయుడు దర్శకుడిగా మారాడు. రాఘవేంద్రరావు తనయుడు ప్రకాష్ అనగనగా ఓ ధీరుడు చిత్రంతో దర్శకుడిగా మారాడు. సిద్ధార్థ్ హీరోగా తెరకెక్కించిన ఆ చిత్రం దారుణంగా నిరాశపరిచింది. 

విరామం తీసుకుని అనుష్కతో సైజ్ జీరో చిత్రాన్ని తెరకెక్కించాడు. ఆ చిత్రం కూడా నిరాశపరిచింది. ప్రకాష్ లేటెస్ట్ గా తెరకెక్కించిన జడ్జిమెంటల్ హై క్యా చిత్రం విజయం దిశగా దూసుకుపోతోంది. కంగనా రనౌత్ నటించిన ఈ చిత్రానికి మంచి రెస్పాన్స్ వస్తోంది. ఈ చిత్రానికి ప్రకాష్ భార్య కనికా ధిల్లాన్ కథ అందించారు. దీనితో భార్య, భర్తలు ఇద్దరూ కలసి హిట్ అందుకున్నారని కామెంట్స్ వినిపించాయి. 

తాజాగా కనికా ఓ ఇంటర్వ్యూలో ఈ విషయం గురించి మాట్లాడుతూ షాకింగ్ విషయాన్నిప్రకటించింది. తాను, తన భర్త విడిపోయి రెండేళ్లు అవుతోందని తెలిపింది. మేమిద్దరం విడాకులు తీసుకున్నాం. భార్య, భర్తలుగా విడిపోయినా వృత్తి పరంగా కలసి పనిచేస్తాం అని తెలిపారు.