మంచి, చెడు సిద్ధాంతం.. ఆసక్తికరంగా సుమంత్ కొత్త చిత్రం!
హీరో సుమంత్ మళ్ళీ సక్సెస్ ట్రాక్ ఎక్కేందుకు ప్రయత్నిస్తున్నాడు. సుమంత్ నటించిన మళ్ళీరావా చిత్రం పర్వాలేదనిపించింది. ఆ తర్వాత నటించిన సుబ్రహ్మణ్యపురం, ఇదం జగత్ లాంటి చిత్రాలు నిరాశపరిచాయి.
హీరో సుమంత్ మళ్ళీ సక్సెస్ ట్రాక్ ఎక్కేందుకు ప్రయత్నిస్తున్నాడు. సుమంత్ నటించిన మళ్ళీరావా చిత్రం పర్వాలేదనిపించింది. ఆ తర్వాత నటించిన సుబ్రహ్మణ్యపురం, ఇదం జగత్ లాంటి చిత్రాలు నిరాశపరిచాయి. ఎలాగైనా హిట్టు కొట్టేందుకు సుమంత్ మరో ఆసక్తికరమైన కథతో రాబోతున్నాడు. తాజాగా సుమంత్ సంతోష్ దర్శకత్వంలో ఓ చిత్రంలో నటించేందుకు అంగీకరించాడు.
ఈ ప్రపంచంలో మంచివాళ్ళు లేరు, చెడ్డవాళ్ళు లేరు.. పరిస్థితుల ప్రభావం వల్లే మనుషులు మంచిగా, చెడుగా మారుతుంటారు. ఈ సిద్దాంతం ఆధారంగా చిత్రాన్ని తెరకెక్కించబోతున్నట్లు సంతోష్ తెలిపారు. నాని, నితిన్, నిఖిల్ లాంటి యంగ్ హీరోలతో సినిమాలు నిర్మించిన డీఎస్ రావు ఈ చిత్రాన్ని నిర్మించనున్నారు.
ఇటీవల సుమంత్ ఆసక్తికరమైన కథలు ఎంపిక చేసుకుంటున్నా అవి ఆడియన్స్ కు కనెక్ట్ కావడంలో విఫలం అవుతున్నాయి. ఈ చిత్రంలో నటించే నటీనటులు, సాంకేతిక నిపుణుల వివరాలు త్వరలో వెల్లడించనున్నారు. ఈ చిత్రంతో అయినా సుమంత్ హిట్ అందుకుంటాడేమో చూడాలి.