నందిత శ్వేత ఇంట్లో తీవ్ర విషాదం.. నటి భావోద్వేగ పోస్ట్
`అక్షర` ఫేమ్ నందిత శ్వేత ఇంట్లో తీవ్ర విషాదం నెలకొంది. నందిత తండ్రి కన్నుమూశారు. ఈ విషయాన్ని నందిత శ్వేత పంచుకుంటూ ట్విట్టర్ ద్వారా ఓ ఎమోషనల్ పోస్ట్ ని షేర్ చేసింది.
హీరోయిన్ నందిత శ్వేత ఇంటి తీవ్ర విషాదం నెలకొంది. ఆమె తండ్రి కన్నుమూశారు. దీంతో నందిత ఫ్యామిలీ తీవ్ర శోక సంద్రంలో మునిగిపోయింది. ఆదివారం తన తండ్రి చనిపోయినట్టు నందిత శ్వేత ట్విట్టర్ ద్వారా వెల్లడించింది. `నా తండ్రి శ్రీ శివస్వామి 54ఏళ్ల వయసులో కన్నుమూశారు. ఆయన ఆత్మకి శాంతి కలగాలని కోరుకుంటున్నా. నా శ్రేయోభిలాషులందరికి ఈ విషయాన్ని తెలియజేస్తున్నా. నా తండ్రి లోటు తీరనిది. ఆయన మృతి పట్ల చాలా చింతి స్తున్నాన` అని ట్వీట్ చేసింది నందిత.
దీంతో ప్రముఖులు సంతాపాన్ని వ్యక్తం చేస్తున్నారు. నందిత ఫ్యామిలీకి ధైర్యాన్నివ్వాలని కోరుకుంటున్నారు. కర్నాటకకి చెందిన నందిత శ్వేత నిఖిల్ నటించిన `ఎక్కడికిపోతావు చిన్నవాడా` చిత్రంతో తెలుగులోకి ఎంట్రీ ఇచ్చింది. అంతకు ముందు 2008లో `నందా లవ్స్ నందిత` అనే కన్నడ చిత్రంతో హీరోయిన్గా పరిచయమైంది. తమిళంలో పదికిపైగా చిత్రాల్లో నటించిన తర్వాత తెలుగులోకి ఎంట్రీ ఇచ్చింది. తొలి చిత్రంతో ఆకట్టుకుందీ భామ.
ఆ తర్వాత `శ్రీనివాస కళ్యాణం`, `బ్లఫ్ మాస్టర్`, `ప్రేమ కథా చిత్రమ్ 2`, `అభినేత్రి`, `సెవెన్`, `కల్కి`, `కపటదారి`, `అక్షర` చిత్రాల్లో నటించి మెప్పించింది. `అక్షర`లో మెయిన్ లీడ్గా ఆకట్టుకోవడం విశేషం. ప్రస్తుతం తమిళంలో `ఎంజీఆర్ మగన్` సినిమాలో నటిస్తుంది. తెలుగులో ఈ బ్యూటీకి సినిమాలు లేకపోవడం గమనార్హం.