సుదీప్ ప్రతి ఏడాది తన పుట్టిన రోజు సందర్భంగా అభిమానులను కలుస్తుంటాడు. తన నివాసంలో ఫ్యాన్స్ మీట్ ఏర్పాటు చేస్తుంటారు. వారితో ముచ్చటించడంతోపాటు వారితో ఫోటోలు దిగుతారు.
కన్నడ బాద్షా హీరో సుదీప్ నేడు తన పుట్టిన రోజుని జరుపుకుంటున్నారు. శనివారం(సెప్టెంబర్ 2)న తన 52వ బర్త్ డేని సెలబ్రేట్ చేసుకుంటున్నారు. ఈ సందర్భంగా సుదీప్ తన అభిమానులకు తాజాగా క్షమాపణలు చెప్పారు. ఈ మేరకు ఆయన ఓ వీడియోని విడుదల చేశారు. మరి బర్త్ డే రోజు ఆయన ఎందుకు క్షమాణపలు చెప్పారనేది ఆసక్తికరంగా మారింది. ఆ వివరాల్లోకి వెళితే..
సుదీప్ ప్రతి ఏడాది తన పుట్టిన రోజు సందర్భంగా అభిమానులను కలుస్తుంటాడు. తన నివాసంలో ఫ్యాన్స్ మీట్ ఏర్పాటు చేస్తుంటారు. వారితో ముచ్చటించడంతోపాటు వారితో ఫోటోలు దిగుతారు. అయితే ఈ సారి అభిమానులు ఎక్కువగా వచ్చారు. ఇంట్లోకి తోసుకుని రావడంతో కొందరికి గాయాలయ్యాయి. వారిలో పిల్లలు కూడా ఉన్నారు. బారీ కేడ్లు ఇరిగిపోయాయి. దీంతో సెక్యూరిటీ సమస్య ఏర్పడింది. ఈ నేపథ్యంలో వారిని కలవడం సుదీప్కి సాధ్యం కాలేదు.
ఈ సందర్భంగా తన అభిమానులకు సుదీప్ క్షమాపణలు చెప్పారు. `మీ అందరినీ కలవలేకపోయినందుకు క్షమించండి, అభిమానులు దూసుకుపోవడంతో ఇంటి ముందు ఏర్పాటు చేసిన బారికేడ్లు విరిగిపోయాయి, దీంతో పరువురికి ఇబ్బంది ఏర్పడింది. అందులో చిన్న పిల్లలు కూడా ఉన్నారు. భద్రతాపరమైన కారణాలను దృష్టిలో ఉంచుకుని ఈ రోజు అభిమానులను కలవడం లేదు. త్వరలో మీ అందరినీ కలుస్తా` అని ట్విట్టర్ ద్వారా ఓ సెల్ఫీ వీడియోని విడుదల చేశాడు సుధీప్. ఇది వైరల్ అవుతుంది.
సుదీప్ తెలుగు ఆడియెన్స్ కి కూడా బాగా దగరయ్యాడు. తెలుగులో ఆయన `రక్తచరిత్ర`, `బాహుబలి`, `సైరా`, `ఈగ` చిత్రాల్లో నటించారు. `ఈగ`లో పూర్తి స్థాయిలో నటించి మెప్పించాడు. విలన్గా అదరగొట్టారు. ఇక చివరగా ఆయన `విక్రాంత్ రోణా` చిత్రంతో తెలుగు ఆడియెన్స్ ముందుకొచ్చారు. ఈ సినిమా మంచి ఆదరణ పొందింది. ప్రస్తుతం వరుస సినిమాలో బిజీగా ఉన్నారు. అందులో `మ్యాక్స్` అనే మూవీ ఉంది. విజయ్ కార్తికేయ దర్శకుడు. తన బర్త్ డే సందర్భంగా శనివారం కొత్త సినిమాని ప్రకటించారు. ఆర్ చంద్రూ దర్శకత్వంలో ఆర్ సీ స్టూడియోస్ పతాకంపై ఓ పాన్ ఇండియా మూవీ చేస్తున్నారు. దీనికి రచయిత విజయేంద్రప్రసాద్ స్క్రిప్ట్ సూపర్ విజన్ చేస్తుండటం విశేషం.
