సౌత్ ఇండస్ట్రీలో దాదాపు స్టార్ హీరోలందరితో ఫైట్స్ చేయించిన స్టంట్ మాస్టర్ పీటర్ హెయిన్స్. గతంలో ఎప్పుడు లేని విధంగా ఈ మాస్టర్ మెగాఫోన్ పెట్టనున్నట్లు ఇటీవల అధికారిక ప్రకటన విడుదల చేశారు. నల్లమలుపు శ్రీనివాస్ నిర్మించబోయే ఆ ప్రాజెక్ట్ లో హీరో ఎవరనేది ఇంకా ఫైనల్ కాలేదు.  

డైరెక్టర్ గా ఫుల్ స్క్రిప్ట్ తో రెడీ అయినా పీటర్ మొదట ఏ హీరోతో వర్క్ చేస్తాడనేది హాట్ టాపిక్ గా మారింది. అయితే బెల్లంకొండ శ్రీనివాస్ ఈ ప్రాజెక్ట్ లో హీరోగా కనిపించే అవకాశం ఉందని ఫిల్మ్ నగర్ లో ఒక టాక్ వినబడుతోంది. బెల్లంకొండ కు అలాగే నిర్మాత నల్లమలుపు శ్రీనివాస్ కుటుంబానికి మంచి సాన్నిహిత్యం ఉంది. ఇక ఎప్పటి నుంచో ఈ యువ హీరోతో సినిమా చేయాలనీ అనుకుంటున్న నిర్మాత మరికొన్ని రోజుల్లో ప్రాజెక్ట ని సెట్స్ పైకి తేనున్నాడు. 

పీటర్ హెయిన్స్ మొదట డైరెక్టర్ గా సినిమా చేయబోతున్నాడు అనగానే ఎవరో స్టార్ హీరోనే అయ్యి ఉంటాడని అంతా భావించారు. రోబో - మగధీర - బాహుబలి - మన్యంపులి వంటి బాక్స్ ఆఫీస్ హిట్ సినిమాలకు ఫైట్స్ ను అందించిన పీటర్ మీడియం మార్కెట్ ఉన్న హీరోను సెలెక్ట్ చేసుకోవడం ఒక ప్రయోగమే. మరి ఇది ఎంతవరకు నిజమో తెలియాలంటే మరికొన్ని రోజులు వెయిట్ చేయాల్సిందే.