గోపీచంద్ ఫ్యాన్స్ బుద్ధి చెప్పారు.. తప్పు ఒప్పుకున్న డైరెక్టర్ ఏఎస్ రవికుమార్.!
హీరో గోపీచంద్ పై దర్శకుడు ఏఎస్ రవికుమార్ చౌదరి రీసెంట్ గా షాకింగ్ కామెంట్స్ చేసిన విషయం తెలిసిందే. అందుకు ఆయన అభిమానులు ఆగ్రహం వ్యక్తం చేశారు. దీంతో దిగొచ్చిన డైరెక్టర్ తన వ్యాఖ్యలు తప్పేనంటూ స్పందించారు.
 )
Followటాలీవుడ్ డైరెక్టర్ ఏఎస్ రవికుమార్ చౌదరి (AS Ravikumar Chowdary) ఇటీవల ఇండస్ట్రీలో హాట్ టాపిక్ గ్గా మారుతున్నారు. ఆయన చేస్తున్న వ్యాఖ్యలు, ఆయన తీరు విమర్శలకు దారితీసేలా ఉంటున్నాయి. మనసుతో, వీరభద్ర, ఆటాడిస్తా, శౌక్యం, యజ్క్షం, ఏం పిల్లో ఏం పిల్లడో వంటి చిత్రాలకు దర్శకత్వం వహించారు. కొంత గ్యాప్ తర్వాత మెగా సుప్రీమ్ హీరో సాయి ధరమ్ తేజ్ తో ‘పిల్లా నువ్వులేని జీవితం’తో తిరిగి వచ్చారు. మళ్లీ తొమ్మిదేళ్ల విరామం తర్వాత ఇప్పుడు ‘తిరగబడరా సామి’ (Tiragabadara swamy) చిత్రాన్ని డైరెక్ట్ చేశారు. రాజ్ తరుణ్ ప్రధాన పాత్ర పోషిస్తున్నారు.
ప్రస్తుతం ఈ చిత్ర ప్రమోషన్స్ నిర్వహిస్తున్నారు. రీసెంట్ గా టీజర్ కూడా రిలీజ్ చేశారు. ఆ కార్యక్రమంలో ఏఎస్ రవికుమార్ నటి మన్నారా చోప్రాను ముద్దుపెట్టుకొని హాట్ టాపిక్ గ్గా మారారు. దాంతో విమర్శల పాలయ్యారు. అయినా తగ్గకుండా ఓ ఇంటర్వ్యూలో మ్యాచో స్టార్ గోపీచంద్ (Gopichand) పై తిట్ల పురాణం చదివారు. ‘ఒరేయ్ అంత బలిసిందా రా నీకు’ అంటూ ఆయన చేసిన వ్యాఖ్యలు ఇండస్ట్రీలో హాట్ టాపిక్ గ్గా మారింది. ఈ విషయంపై గోపీచంద్ ఏమాత్రం స్పందించలేదు.
కానీ, విషయం తెలుసుకున్న గోపీచంద్ అభిమానులు మాత్రం ఆయన మాట్లాడిన తీరుకు ఆగ్రహం వ్యక్తం చేస్తున్నారు. ఏఎస్ రవికుమార్ ను పలురకాల కామెంట్లతో ఆడుకుంటున్నారు. నీ నోటి దురుకు తగిన రీతిలో బుద్ధిచెబుతామంటూ వార్నింగ్ కూడా ఇస్తున్నారు. ఈ సందర్భంగా సోషల్ మీడియాలో రవికుమార్ ను భారీగా ట్రోల్ చేస్తున్నారు. దీంతో దెబ్బకు ఆయన దిగివచ్చారు. మరో ఇంటర్వ్యూలో గోపీచంద్ అభిమానులకు సారీ చెప్పారు.
ఏఎస్ రవికుమార్ చౌదరి మాట్లాడుతూ.. ‘గోపీచంద్ నాకు బిడ్డలాంటి వాడు. అతనితో ఎలాంటి గొడవలు, విభేదాలు లేవు. నేను చేసిన కామెంట్స్ పట్ల ప్రశ్చాత్తాపడుతున్నాను. గోపీ విషయంలో నాదే తప్పు. గోపీపై ఆవేదనతోనే ఆ మాటలు వచ్చాయి. ఆయన ఫ్యాన్స్ హార్ట్ అయ్యి... నాకు ఫోన్లు కూడా చేస్తున్నారు. వారందరికీ సారీ చెబుతున్నాను. ఇంతటితో వదిలేయండి’ అంటూ వివరణ ఇచ్చారు. అయినా గోపీచంద్ ఫ్యాన్స్ మాత్రం తగ్గడం లేదు. ఆ రోజు తాగి మాట్లాడావా? అందితే జుట్టు అందకపోతే కాళ్లు అని కామెంట్లతో ఇంకా ఆడుకుంటున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
