Follow Us "వేవ్స్ లో చిరంజీవి , అమితాబ్, కమల్ హాసన్ పై మోగాస్టార్ స్పెషల్ కామెంట్స్")
సారాంశం
ముంబ‌యిలోని జియో వ‌రల్డ్ సెంట‌ర్‌లో ప్ర‌పంచ ఆడియో విజువ‌ల్ అండ్ ఎంటర్టైన్మెంట్ స‌మ్మిట్ (WAVES) 2025 చాలా ఘనంగా స్టార్ట్ అయ్యింది. కేంద్ర సమాచార ప్ర‌సార మంత్రిత్వ శాఖ, మ‌హారాష్ట్ర ప్రభుత్వం సంయుక్తంగా నిర్వ‌హిస్తున్న ఈ స‌మ్మిట్ ను ప్రధాని మోదీ ప్రారంభించారు. ఇవాళ్టి నుంచి నాలుగు రోజుల పాటు సాగ‌నున్న ఈ ఈవెంట్లో చిరంజీవి సందడి చేశారు.
కేంద్ర సమాచార ప్ర‌సార మంత్రిత్వ శాఖ, మ‌హారాష్ట్ర ప్రభుత్వం సంయుక్తంగా నిర్వ‌హిస్తున్న ప్ర‌పంచ ఆడియో విజువ‌ల్ అండ్ ఎంటర్టైన్మెంట్ స‌మ్మిట్ (WAVES) 2025 లో సినిమా తారలు సందడి చేశారు. ఈ స‌మ్మిట్ ను ప్రధానమంత్రి మోదీ ఘనంగా ప్రారంభించారు. నాలుగు రోజుల పాటు సాగనుంది. ఇక ఈ ఈవెంట్లో టాలీవుడ్ మోగాస్టార్ చిరంజీవి సందడి చేశారు. చిరంజీవితో పాటు ఈ ఈవెంట్ కు సూపర్ స్టార్ రజినీకాంత్, మలయాళ స్టార్ హీరో మోహన్ లాల్, బాలీవుడ్ నుంచి ఆమిర్ ఖాన్‌, అక్ష‌య్ కుమార్, త‌దిత‌రులు పాల్గున్నారు. ఇక ఈ స్టార్ హీరోలకు నిర్వాహ‌కులు ఘ‌న స్వాగ‌తం పలికారు. బుధ‌వార‌మే చిరంజీవి ఈ కార్యక్రమం కోసం హైద‌రాబాద్ నుంచి ముంబ‌యి చేరుకున్న విష‌యం తెలిసిందే.
అంతర్జాతీయ స్థాయిలో భారతీయ వినోద పరిశ్రమను గ్లోబల్ హబ్‌గా మార్చాలనే లక్ష్యంతో కేంద్ర ప్రభుత్వం 'వేవ్స్' సదస్సును నిర్వహిస్తోంది.నాలుగు రోజుల పాటు జరిగే ఈ కార్యక్రమం లో మీడియా, వినోద రంగానికి చెందిన సీఈఓలు, పరిశ్రమల ప్రముఖులతో భేటీ కానున్నారు. ఈ కార్యక్రమం కోసం ప్రధాని మోదీ ఏకంగా 10 గంట‌ల స‌మ‌యాన్ని కేటాయించ‌డం విశేషం.
ఇక ఈ ఈవెంట్ లో పాల్గొన్న చిరంజీవి మాట్లాడుతూ.. చిన్నతనంలోనే నటనపై ఆసక్తి పెంచుకున్నానని, ఫ్యామిలీని ఎంటర్టైన్ చేయడానికి డ్యాన్స్ చేసేవాడినని గుర్తుచేసుకున్నారు. ఆ ఆసక్తే తనను నటన వైపు నడిపించిందని, అందుకోసం చెన్నై వెళ్లానని తెలిపారు. తాను సినీ రంగంలోకి అడుగుపెట్టే సమయానికి అప్పటికే ఎందరో దిగ్గజ నటులు, సూపర్ స్టార్లు ఉన్నారని చిరంజీవి అన్నారు. వారందరికంటే ప్రత్యేకంగా ఏదైనా చేయాలి అనే తపన తనను ఈ స్థాయిలో నిలబెట్టిందన్నారు. అంతే కాదు చాలామంది నుంచి తాను చాలా విషయాలు నేర్చుకున్నానన్నారు చిరంజీవి. మేకప్ లేకుండా సహజంగా నటించడం మిథున్ చక్రవర్తి నుంచి, స్టంట్స్ విషయంలో అమితాబ్, డాన్స్ విషయంలో కమల్ హాసన్, తనకు ప్రేరణగా నిలిచారని చిరంజీవి అన్నారు.
