Asianet News TeluguAsianet News Telugu

అనిల్‌ రావిపూడితో మెగాస్టార్‌ సినిమా కన్ఫమ్‌.. ? లేటెస్ట్ అప్‌డేట్‌ ఇదే!

చిరంజీవి హీరోగా సినిమా చేసేందుకు దర్శకుడు అనిల్‌ రావిపూడి ప్రయత్నాలు చేస్తున్నారు. చాలా కాలంగా ఈ ప్రాజెక్ట్ కి సంబంధించిన వార్తలొస్తున్నాయి. తాజాగా ఓ మంచి అప్డేట్‌ వచ్చింది.

chiranjeevi anil ravipudi movie final ?
Author
First Published Nov 26, 2023, 1:48 PM IST

దర్శకుడు అనిల్‌ రావిపూడి సినిమా సినిమాకి ఒక్కో మెట్టు ఎక్కుతూ వస్తున్నాడు. స్టార్‌ డైరెక్టర్ల జాబితాలో చేరుతున్నారు. ఇటీవలే ఆయన బాలకృష్ణతో `భగవంత్‌ కేసరి` సినిమాని రూపొందించారు. ఇది మంచి ఆదరణ పొందింది. దసరా పండక్కి రావడం, అపోజిట్‌లో బలమైన సినిమాలు లేకపోవడంతో దాదాపు బయ్యర్లు సేఫ్‌ జోన్‌కి చేరుకున్నారు. మొత్తానికి ఈ మూవీ హిట్‌ ఖాతాలో పడింది. 

ఇక అనిల్‌ రావిపూడి నెక్ట్స్ మూవీ ఎవరితో అనేది ఆసక్తికరంగా మారింది. ఆ మధ్య మెగాస్టార్ చిరంజీవితో సినిమా చేయబోతున్నారనే వార్తలొచ్చాయి. అయితే ఆ రూమర్లు నిజమే అని తెలుస్తుంది. అనిల్‌ రావిపూడి చెప్పిన కథకి చిరంజీవి ఓకే చెప్పారట. స్క్రిప్ట్ పరంగా దాదాపు ఓకే అయ్యిందని తెలుస్తుంది.  మిగిలిన బేరసారాలు జరుగుతున్నాయని, బడ్జెట్‌ విషయంలో జాగ్రత్తలు తీసుకుంటున్నట్టు తెలుస్తుంది. ఈ మూవీని దిల్‌రాజు నిర్మించబోతున్నారని సమాచారం.

చిరంజీవితో దిల్‌రాజుకు ఇదే మొదటి సినిమా. ఓ రకంగా డ్రీమ్‌ ప్రాజెక్ట్ కాబోతుందని చెప్పొచ్చు. అందుకోసం ఈ మూవీపై ప్రత్యేకమైన కేర్‌ తీసుకుంటున్నారట. ఇప్పటికే పవన్‌ కళ్యాణ్‌, మహేష్‌బాబు, ఎన్టీఆర్‌, అల్లు అర్జున్‌, ప్రభాస్‌, వెంకటేష్‌లతో సినిమాలు చేశారు దిల్‌రాజు. ఇప్పుడు రామ్‌చరణ్‌తో శంకర్‌ మూవీ `గేమ్‌ ఛేంజర్‌` చేస్తున్నారు. ఇప్పుడు చిరంజీవితో సినిమా చేయబోతున్నారు. 

చిరంజీవి ప్రస్తుతం వశిష్ట దర్శకత్వంలో ఓ సినిమా చేస్తున్నారు. ఇది ఇటీవలే ప్రారంభమైంది. సోషియో ఫాంటసీగా ఈ మూవీని తెరకెక్కిస్తున్నారట. భారీ బడ్జెట్‌తో రూపొందుతుంది. మూడు లోకాల నేపథ్యంలో సినిమా సాగుతుందని తెలుస్తుంది. ఇందులో హీరోయిన్‌గా అనుష్క, ఐశ్వర్య రాయ్‌ల పేర్లు వినిపిస్తున్నాయి. 

Follow Us:
Download App:
  • android
  • ios