బ్రహ్మాజీ.. విలక్షణ నటుడిగా రాణిస్తున్నారు. ఒకప్పుడు హీరోగా, విలన్గా చేసి మెప్పించారు. తన కుమారుడు సంజయ్ రావు హీరోగా నటిస్తున్న `స్లమ్ డాగ్ హజ్బెండ్` చిత్రంలో బ్రహ్మాజీ ఫేమస్ డైవర్స్ లాయర్గా కనిపించనున్నాడట. అది చాలా కామెడీగా ఉంటుందన్నారు.
బ్రహ్మాజీ.. విలక్షణ నటుడిగా రాణిస్తున్నారు. ఒకప్పుడు హీరోగా, విలన్గా చేసి మెప్పించారు. ఇప్పుడు కామెడీ రోల్స్ చేస్తున్నారు. క్యారెక్టర్ ఆర్టిస్ట్ గా డిఫరెంట్ రోల్స్ చేస్తున్నాడు. తాజాగా ఆయన లాయర్గా కనిపించబోతున్నారు. అది కూడా విడాకుల స్పెషలిస్ట్ గా నటిస్తున్నాడు. తన కుమారుడు సంజయ్ రావు హీరోగా నటిస్తున్న `స్లమ్ డాగ్ హజ్బెండ్` చిత్రంలో బ్రహ్మాజీ ఫేమస్ డైవర్స్ లాయర్గా కనిపించనున్నాడట. తాజాగా ఆయన మీడియాతో ఆ విషయాన్ని వెల్లడించారు. తన పాత్ర చాలా కొత్తగా ఉంటుందని, ఫన్నీగా ఉంటుందన్నారు. అంతేకాదు, తెలుగు, ఉర్దూ భాషలు మిక్స్ చేసి మాట్లాడుతుంటానని, అది చాలా కామెడీగా ఉంటుందన్నారు.
నిర్మాత అప్పిరెడ్డి ఈ కథ గురించి `మిస్టర్ ప్రెగ్నెంట్` టైమ్లో చెప్పారట. లాయర్ పాత్ర చేయాలన్నారట. హీరో ఇంకా ఫైనల్ కాలేదు. కొన్ని రోజులకు హీరోగా మీ అబ్బాయే చేస్తే ఎలా ఉంటుందన్నారు. మా వాడికి(సంజయ్ రావు)కి చెబితే నచ్చి ఓకే అన్నాడు. తను డాగ్ లవర్. తనకు బాగా కనెక్ట్ అయ్యింది. అలా `స్లమ్ డాగ్ హజ్బెండ్` సెట్ అయ్యిందన్నారు. ఇందులో సప్తగిరి పాత్ర మరో హైలైట్గా ఉంటుందట. ఈ సినిమాలో తమ ఇద్దరి సీన్లు పోటాపోటీగా ఉంటాయి. సప్తగిరి ఎనర్జీ లెవెల్స్ బాగుంటాయి. ఇందులో జడ్జిగా ఫిష్ వెంకట్ కనిపించడం హైలెట్గా నిలుస్తుందన్నారు.
ఇక టైటిల్ విషయానికి వస్తే.. ఈ కథని రామ్గోపాల్ వర్మకి చెప్పారట. ఆయన కథ మొత్తం విని `కుక్క మొగుడు` టైటిల్ పెట్టమన్నాడట(నవ్వుతూ). కానీ నిర్మాతలు `స్లమ్ డాగ్ హజ్బెండ్` టైటిల్ నిర్ణయించినట్టు తెలిపారు. `ఓ సారి `పుష్ప పార్ట్ 2` షూటింగ్లో ఉన్నప్పుడు రాత్రి పూట బన్నీ ఆ ట్రైలర్ను చూసి నా దగ్గరకు వచ్చి ప్రశంసించాడు. ట్రైలర్ నిజంగా బాగుందని అన్నాడు. టీం అందరికీ చెప్పి చూపించాడు. ఆయనతోపాటు ప్రదీప్, అలీ, నాగార్జున ఇలా అందరూ సపోర్ట్ చేశారు. ఇలా అందరి ప్రేమను సంపాదించుకోవడమే నా ఆస్తిగా ఫీలవుతాను. అనిల్ రావిపూడి స్టార్ డైరెక్టర్. ఆయన తన పీక మీద కత్తి పెట్టించుకుని సినిమాలు ప్రమోషన్ చేయాల్సిన అవసరం లేదు. కానీ ఆయన స్క్రిప్ట్ రాసి అలా చేద్దాం, ఇలా చేద్దామని ఇచ్చారు. నిజంగా ఆయన గ్రేట్. ప్రతీ చోట అందరూ నాకు సాయం చేస్తూనే వచ్చారు. సుకుమార్ ప్రీ రిలీజ్ ఈవెంట్కు వస్తాను అని అన్నారు. కానీ అర్జెంట్గా అమెరికాకు వెళ్లాల్సి వచ్చింది. వీడియో బైట్ పంపిస్తాను అని మెసెజ్ పెట్టారు. ఆయన ఇక్కడ ఉండుంటే.. కచ్చితంగా వచ్చేవారు` అని చెప్పారు బ్రహ్మాజీ.
ఈ నెల 29న సినిమా విడుదల కానుంది. దీనిపై చెబుతూ, జూలై 21న విడుదల చేయాలని అనుకున్నాం. కానీ ఆ టైంలో సినిమాలు ఎక్కువగా రిలీజ్ అవుతున్నాయని జూలై 29న ఫిక్స్ అయ్యాం. జులై 28న బ్రో రిలీజ్ అవుతోంది. `బ్రో` సినిమాకు టికెట్లు దొరక్కపోతే మా సినిమాకే వస్తారు (నవ్వుతూ). కుమారుడు సంజయ్ రావు గురించి చెబుతూ, ఇంట్లో సినిమాల గురించి తక్కువగా మాట్లాడుతుంటాం. కానీ సినిమాల గురించి నేనేమీ సలహాలు ఇవ్వను. అందరిలా సినిమాలు చేస్తే ఏముంటుంది.. కొత్తగా ప్రయత్నించు అని మాత్రం చెబుతుంటాను. డిఫరెంట్ కాన్సెప్ట్లు ఎంచుకోమని చెబుతాను. అదే బెటర్ ఆప్షన్.
సోషల్ మీడియాను ఎంతో సరదాగా తీసుకుంటాను. నవ్వుతూ నవ్విస్తూ ఉండాలని ప్రయత్నిస్తాను. కుళ్లుతో ఉంటే యంగ్గా కనిపించం. ఎప్పుడూ నవ్వుతూ, నవ్విస్తూ ఉంటే యంగ్గా కనిపిస్తాంమని తెలిపారు. `పుష్ప2` గురించి చెబుతూ, `పుష్ప` మొదటి పార్ట్ కంటే రెండో పార్ట్ అదిరిపోతుంది. దాని బాబులా ఈ సినిమా ఉంటుంది. ఫాహద్ ఫాజిల్ పక్కనే కనిపిస్తాను. ఆయన కూడా ఈ మూవీ ట్రైలర్ చూశారు. మెచ్చుకున్నారు. వేరే భాషల్లోనూ ఈ కాన్సెప్ట్ను చేయొచ్చు అని అన్నారు. ప్రస్తుతం తాను మహేష్ బాబు `గుంటూరు కారం`, ప్రభాస్` సలార్`, బాలయ్య గారి `భగవంత్ కేసరి`, `ఊరి పేరు భైరవకోన`, నాగ శౌర్యతో ఓ సినిమా. ఇలా చాలానే ఉన్నాయి. ప్రభాస్ సలార్ సినిమాలో కొత్త కారెక్టర్ వేస్తున్నాను. రెండో పార్ట్లోనే ఎక్కువగా కనిపిస్తాను` అని చెప్పారు బ్రహ్మాజీ.
